Жефф Безоснинг телефони хакерлар томонидан бузилиши ва унинг шахсий фотолари эълон қилиниши ўзаро боғлиқ эмаслиги билдирилди

Amazon асосчиси Жефф Безоснинг шахсий фотолари матбуотга сизиб чиқиши ва миллиардернинг телефони саудиялик хакерлар томонидан тахмин қилинаётган бузилиши ўртасида ҳеч қандай боғлиқлик аниқланмади. Бу ҳақда Meduza хабар бермоқда.

The New York Times нашрига кўра, Безос ва телебошловчи Лорен Санчес ўртасидаги ёзишмаларни National Enquirer таблоидига миллиардернинг маъшуқаси укаси Майкл Санчес томонидан берилгани асосий версия бўлиб турибди.

National Enquirer эгаси бўлган American Media компанияси ҳам материал учун манбаларни Майкл Санчесдан олинганини тасдиқлади ва бунга учинчи томон аралашгани ҳақидаги тахминларни «ёлғон» деб атади.

Олдинроқ ОАВ хакерлар Жефф Безоснинг телефонини у WhatsApp орқали Саудия Арабистони валиаҳд шаҳзодаси Муҳаммал бин Салмоннинг рақамидан жўнатилган зарарли файлни олганидан сўнг бузганлигини билдирганди. Саудия Арабистонининг АҚШдаги элчихонаси бу тахминини «беъманилик» деб атади.

Безоснинг ўзи ҳам маъшуқаси билан ёзишмалари эълон қилиниши журналист Жамол Қошиқчининг ўлдирилиши билан боғлиқ бўлиши мумкинлигига ишора қилганди. Қошиқчи Безосга тегишли The Washington Post нашрида ишлаган.