Машҳурлар учун ажрашиш жараёни шунчаки осонлик билан кечмайди — ўртада мол-мулк, акция, ҳашаматли уйлар ва катта миқдордаги пул учун судлашилади.
Эмбер Хёрд
Сўнгги пайтлардаги энг шов-шувли ишлардан бири Эмбер Хёрднинг собиқ эри — Жонни Депп фойдасига якунланди. Суд қарорига кўра, актриса унга 15 миллион доллар товон пули тўлаши керак. Ҳали Эмбернинг адвокатлар хизмати ва бошқа харажатлари қанчага тушгани номаълум. У бунча пулни топа олмаслигини тан олди ва яқинда ҳукм устидан апелляция шикояти берди. Бунинг ажабланарли жойи йўқ, суддан сўнг уни чегирмали кийим дўконида кўришган.
Шаҳзода Чарльз
Ажрашганидан сўнг Британия тахти вориси унинг собиқ молиявий маслаҳатчиси Жефри Bigнел таърифлаганидек, ҳалокат ёқасига келиб қолганди. «Малика Диана сўнгги тийингача тортиб олди», деб тан олган у. Ажралишдан сўнг Bigнел Уэльс шаҳзодасининг молиявий маслаҳатчиси бўлишни тўхтатди, чунки «унинг молиявий маблағи қолмаганди». Яхшиямки, қиролича онаси шаҳзода Чарльзга уни қашшоқликдан қутулиш учун қарзга пул беради.
Жефф Безос
Журналист Лорен Санчес билан ишқий муносабатлари туфайли 25 йиллик турмушидан сўнг рафиқаси Маккензи билан ажрашиш миллиардер учун осон бўлмади. Судда собиқ хотин эридан мол-мулкнинг ярмини олиши, уни дунёдаги энг бой одам унвонидан маҳрум қилиши мумкин эди. Аммо Маккензи бундай қилмади — шунда ҳам Безос мулкининг тахминан 25 фоизига эга чиқди. Собиқ рафиқаси 39 миллиард долларга баҳоланган Amazon акцияларининг бир қисми учун судлашди ва дунёнинг энг бадавлат учинчи аёлига айланди.
Адел
Саймон Koneкки билан 8 йиллик муносабатлар ҳалокатли натижага олиб келди. Эри билан ажрашиш Аделга жуда қимматга тушди: у Koneккига бойлигининг катта қисмини — 190 миллион доллардан 140 миллион доллар беришга мажбур бўлди. Калифорния қонунлари биргаликда сотиб олинган мулклар эр-хотин ўртасида тақсимлашни назарда тутади. Адел никоҳ шартномасини тузмаган, шунинг учун қонунга бўйсуниши ва ҳаммасини тўлаши керак эди.
Мел Гибсон
Деярли 31 йиллик никоҳ ва фарзандлар актёрнинг рус гўзали билан муносабатда бўлишига, кейин эса ажрашиш учун ариза беришга тўсқинлик қилмади. Тўғри, бунинг учун катта сумма тўлади. Актёр ажрашиш жараёнида хотинига 850 миллион долларга баҳоланган мулкнинг ярмини беришга мажбур бўлди. Аммо бу ҳали ҳаммаси эмас: суд Гибсонни Мурга фильмлардан олган гонорарларининг ярмини ҳам беришга ҳукм чиқарди.
Изоҳ (0)