Фарғона вилоятида эркак туши сабаб ухлаб ётган хотинини ўлдирди. Бу ҳақда “Бу кун” дастурида хабар берилди.
Маълум қилинишича, воқеа содир бўлган тунда эр-хотин одатдагидек уйқуга кетган. Улар орасида келишмовчилик ёки жанжал бўлмаган. Тонгги соат 4:30 ларда тушида аёлининг хиёнатини кўрган эркак уйғониб кетган.
Бу вақтда аёл уйқуда бўлган. Ёстиғи остида пичоқ олиб ухлашга одатланган эркак аёлини 13 марта пичоқлаб ўлдирган. Ҳаракатлари хато эканини англаган эркак тиббий ёрдамга ўзи мурожаат қилган.
Шифокорлар келганда аёлнинг жони узилган бўлган. Судда аниқ бўлишича, судланувчининг бу каби гумонлари ўша куни пайдо бўлмаган. Аввалдан аёли билан асоссиз гумонлар сабаб жанжаллашиб келган.
Судланувчи Жиноят кодексининг 97-моддаси билан 16 йил муддатга озодликдан маҳрум қилинди. Уч нафар фарзанд эса ҳам отасиз, ҳам онасиз қолди.
Пичоқлаш билан якунланган оилавий жанжаллар
Сурхондарё вилоятида эркак қайнукаси томонидан, Самарқандда 70 ёшли эркак 60 ёшли қайнукаси томонидан пичоқланганди. Бухорода эр жанжал сабаб хотинини пичоқлагани, Жиззахда эр рашк сабаб аввал хотинини, кейин эса ўзини пичоқлаб ўлдиргани, Вобкент туманида маст фуқаро қайнукасини пичоқлагани тўғрисида хабар берилганди.
- Чинозда 25 ёшли эркак хотини ва қайнанасини қасддан ўлдирди
- Фарғонада эркак бир гуруҳ дўстлари билан собиқ куёвини дўппослади
- Чинозда ука ўз опасини ўлдириб, 7 кун уйда сақлади
- Самарқандда қайнона келинини қувватлагич сими билан бўғиб ўлдирди
- Андижонлик ўқитувчи аёл пичоқлаб ўлдирилди. Гумонланувчи эр қўлга олинди
Энди оилавий зўравонликдан жабрланган шахс талабига кўра никоҳдан ажрашаётганда муҳлат тайинланмайди. Бундан ташқари, Уй-жой кодексига киритилган қўшимчага кўра, турар жойдан фойдаланиш ҳақидаги низолар кўриб чиқилаётганда суд тарафларнинг келишувига асосан турар жой мулкдорининг ташаббусига кўра турар жойга мажбурий тартибда киритилаётган тарафни турар жой мулкдорига тегишли мутаносиб шароитларга эга бўлган бошқа турар жойга киритиш ёки ижарага олинган турар жой учун ижара ҳақини тўлаш мажбуриятини мулкдорнинг зиммасига юклатиши мумкинлиги белгиланди.
Изоҳ (0)