Литванинг Шяуляй шаҳрида жойлашган “Вишинский” меҳмонхонасида ўзбекистонлик эркак икки кишини пичоқлагани ҳақида хабарлар тарқалди. Ўзбекистоннинг Латвиядаги элчихонаси буни рад этди.
“Элчихона томонидан Литванинг ваколатли идоралари билан олиб борилган ўрганишлар натижасида Шяуляй шаҳрида жойлашган “Вишинский” меҳмонхонасида Ўзбекистон фуқаролари билан боғлиқ бундай ҳолат юз бермагани аниқланди”, дейилади хабарида.
Элчихона тасдиқланмаган маълумотларни интернет тармоқлари орқали тарқатмасликни сўради.
2024 йил июлида Польшанинг Варшава шаҳрида 26 ёшли ўзбекистонлик йигит 15 ёшли украиналик икки ўсмирга пичоқ билан ҳужум қилгани ҳақида хабар берилган эди. “Дарё” мухбири Ўзбекистоннинг Польшадаги элчихонаси билан боғланиб ҳолатга аниқлик киритганида ўзбекистонлик йигит айбланувчи эмас, у жабрланувчи бўлиб чиққанди. Тўрт нафар украиналик ўзбекистонлик фуқарони талон-торож қилиш мақсадида унга ҳужум қилган.
Ўша йилнинг июлида Нью Йоркнинг Бруклин шаҳрида ўзбекистонлик оила (қайнона, келин ва икки невараси) пичоқлаб кетилганди. Қотилликда гумонланиб, 24 ёшли қариндоши қўлга олинган. У руҳий хаста деб топилганди.
2024 йил март ойида Нью Йоркда хотинини пичоқлаб, жароҳат етказган ўзбекистонлик эркакни полиция отиб ташлаганди. Ҳодиса 8 март халқаро хотин-қизлар куни муносабати билан ўтказилаётган зиёфат чоғида юз берган.
Изоҳ (0)