Франкфуртнинг “Айнтрахт” клуби дарвозабони Кауe Сантос Англия Премьер Лигасига йўл олиши мумкин. Bild нашрининг ёзишича, 22 ёшли бразилиялик посбонга “Манчестер Юнайтед” жиддий қизиқиш билдирмоқда.
Манбага кўра, “Айнтрахт” Сантос билан хайрлашишга тайёр, бироқ бунинг учун камида 60 миллион евро талаб қилмоқда. Футболчининг клуб билан амалдаги шартномаси 2030 йил ёзигача мўлжалланган.
Анча вақтдан бери манкунианликларнинг асосий нозик нуқталаридан бири дарвоза чизиғи бўлиб қолмоқда. Клубнинг камерунлик посбони Андре Онана кўплаб хатога йўл қўйиб, дарвозасини дахлсизлигини сақлаб қололмаяпти. Шунингдек “МЮ”нинг туркиялик кипери Алтай Байиндир ҳам ишончни оқлагани йўқ. Шу боис Рубен Аморим клубга бошқа посбон олиб келишни истамоқда.
Жорий мавсумда Кауe Сантос “Айнтрахт” сафида 13 та учрашувда майдонга тушиб, уларнинг учтасида дарвозасини “қуруқ” сақлаб қолишга муваффақ бўлди.
Изоҳ (0)