Мадриднинг “Реал” клуби “Манчестер Юнайтед” ярим ҳимоячиси Бруно Фернандешни сотиб олишни режалаштирмоқда. Бу ҳақида Daily Star нашрига таяниб Championat хабар бермоқда.
Манбага кўра, “қироллик клуби” 39 ёшли Лука Модричга ўринбосар сифатида португалиялик футболчининг номзодини кўриб чиқмоқда. Фернандешнинг трансфер қиймати тахминан 90 миллион фунт стерлинг (108 миллион евро) деб баҳоланмоқда. “Манчестер Юнайтед” бош мураббийи Рубен Аморим футболчини сақлаб қолмоқчи, бироқ клуб қўшимча даромад олиш ва харажатларни қисқартириш мақсадида етакчсини сотиши мумкин.
Жорий мавсумда Фернандеш барча турнирларда 44 ўйинда майдонга тушиб, 16 гол ва 16 голли узатма муаллифига айланган. Унинг манкунианликлар билан шартномаси 2027 йил ёзига қадар амал қилади. Transfermarkt маълумотларига кўра, футболчининг бозор қиймати 55 миллион еврони ташкил қилади.
Маълумот учун, Модричнинг “Реал” билан амалдаги шартномаси шу ёзда якунланади. Хорватиялик футболчи клубда яна бир мавсум қолишни мақсад қилган. Ҳозирда Лука ва “қироллик клуби” ўртасида музокара ўтмоқда.
Изоҳ (0)