“Манчестер Юнайтед” клуби Еврокубоклар тарихида илк бор 120 ҳамда унга қўшиб берилган дақиқаларда иккита гол урган жамоага айланди. Бу ҳақда OptaJoe статистик портали ўзининг Х тармоғидаги саифасида маълум қилган.
Европа Лигаси чорак финалининг жавоб учрашувида инглиз клуби Франциянинг “Лион” клуби устидан 5:4 ҳисобида ғалаба қозонди. Ўйиннинг экстра таймларида инглизлар 2:4 ҳисобида ортда қолаётган эди, аммо 114-дақиқада Бруну Фернандеш, 120-дақиқасида Кобби Майну ва Ҳарри Магуайр томонидан киритилган голлар “МЮ”га тарихий натижа тақдим этди.
Эслатиб ўтамиз, жамоалар ўртасидаги дастлабки беллашув 2:2 ҳисобида якунланган эди. Икки ўйин натижасига кўра “Манчестер Юнайтед” мусобақа ярим финалига йўл олди ва унда Бильбаонинг “Атлетик” жамоасига қарши майдонга тушади.
Маълумот учун, Европа Лигаси финали айнан “Атлетик”нинг уй стадиони — Испаниянинг “Сан-Мамес” аренасида ўтказилади. Турнирнинг амалдаги чемпиони эса Италиянинг “Атланта” клуби ҳисобланади.
Изоҳ (0)