УЕФА Чемпионлар Лигаси чорак финал жавоб учрашувлари якунлангач, Opta нашри суперкомпьютер орқали мусобақа ғолиблиги учун асосий даъвогарни аниқлади.
Унга кўра, Лондоннинг “Арсенал” клуби ҳозирда мусобақанинг олтин медалларига эга чиқиш учун асосий даъвогар бўлиб турибди. Иккинчи ўринни “Интер” эгаллаган бўлса, кучли учликни “ПСЖ” якунлаган.
Турнирда ғалаба қозониш эҳтимоли энг юқори бўлган клублар рейтинги қуйидагича:
- “Арсенал” — 28,7%
- “Интер” — 25,5%
- “ПСЖ” — 24%
- “Барселона” — 21,8%
Эътиборлиси, ушбу тўрт жамоа орасида энг паст имконият “Барселона”га тегишли бўлиб турибди. Аввалроқ каталонияликлар мусобақа фаворити сифатида қайд этилган эди.
Эслатиб ўтамиз, амалдаги Чемпионлар Лигаси ғолиби Мадриднинг “Реал” клуби ҳисобланади. Улар ўтган мавсум мусобақа финалида Дортмунднинг “Боруссия” жамоасини 2:0 ҳисобида мағлубиятга учратган эди. Умуман олганда, “қироллик клуби” бу мусобақани 15 бор қўлга киритган ҳамда турнирнинг рекордчиси ҳисобланади.
Изоҳ (0)