Бугун УЕФА Чемпионлар Лигаси чорак финал босқичи жавоб учрашуви доирасида “Реал Мадрид” ўз майдонида “Арсенал”ни қабул қилади. Ушбу жамоалар ўртасидаги биринчи баҳсда “канонирлар” 3:0 ҳисобида ғалаба қозонган. Мазкур баҳс олдидан шарҳловчи Даврон Файзиев “Дарё”га ўйин ҳақида ўз фикрларини билдирди.
“Реал Мадрид” — “Арсенал” учрашувида дастлабки 15-20 дақиқа кўп нарсани ҳал қилади. “Реал” ўша пайт босим қилиб, битта бўлса ҳам гол уришга улгурса, улар кейинги дақиқаларда руҳий устунликка эга бўлади. Албатта, “Арсенал” анчадан бери учта тўп фарқи билан ютқазмаяпти. “Реал” эса узоқ вақтдан бери учта тўп фарқини йўққа чиқармаган. Шу факторлар “Арсенал”ни фаворит қилмоқда.
Бироқ атрофимдаги одамлар “Реал Мадрид” камбек қила оладими деб савол беришмоқда. Яъни, кўпчилик “Реал” камбек қила олишига ишоняпти. Ҳа, кўпинча “Реал” ўзини қайта тиклай олган. Лекин 16 апрель кунги баҳс ҳақида нимадир дейиш қийин, дейди Файзиев.
“Реал” — “Арсенал” учрашуви бугун, 16 апрель куни Мадриддаги “Сантяго Бернабеу” стадионида бўлиб ўтади. Учрашув Тошкент вақти билан 00:00 да старт олади. Биринчи учрашувда Лондон клуби 3:0 ҳисобида ғалаба қозонган.
Изоҳ (0)