“Реал Мадрид” ҳужумчиси Винисиус Жуниор “Арсенал” дарвозасига клуб сафидаги 105-голини киритди ҳамда “қаймоқранглилар” тарихида энг кўп гол урган бразилиялик футболчига айланди. Бу ҳақда Opta нашрига таяниб, Championat хабар бермоқда.
У шу тариқа афсонавий ҳужумчи Роналдо Назариога тегишли бўлган 104 та голлик рекордни янгилади.
Винисиус ўзининг навбатдаги голини Европа Чемпионлар Лигаси чорак финалининг жавоб ўйинида “Арсенал” дарвозасига киритди (1:2), бироқ икки ўйин натижаларига кўра “Реал” умумий 1:5 ҳисобида мағлуб бўлди ва мусобақадаги иштирокини якунлади.
Маълумот учун, жорий мавсум Винисиус барча мусобақаларда 45 та ўйинда майдонга тушиб, ўз ҳисобига 20 та гол ва 14 та голли узатма ёздириб қўйган.
Изоҳ (0)