Украина мудофаа сектори ва ҳукумати Patriot ҳаво мудофаа тизимининг муқобилини ишлаб чиқиш бўйича хорижий ҳамкорлар билан музокаралар олиб бормоқда.
Бу ҳақда Украина стратегик саноат вазири Герман Сметанин ҳарбий-саноат комплексининг 2024 йилдаги фаолияти якунларига бағишланган анжуманда маълум қилди.
Унинг сўзларига кўра, бу тизим фақат АҚШдан етказиб берилади ва бугунги кунда Россия баллистик ракеталарини уриб тушира оладиган ягона қурилмадир.
“Украина ҳудудида Patriot ҳаво ҳужумидан мудофаа ракета тизимларининг ўхшаши ҳозирча йўқ, бироқ мудофаа саноатимизда тегишли лойиҳа бор ва биз бу борада ишлаяпмиз”, деди Сметанин.
Дунёнинг шунга ўхшаш тизимларни ишлаб чиқариши мумкин бўлган бошқа мамлакатлари ҳақидаги саволга жавоб берар экан, вазир шундай давлатлар борлигини ва Украина қисман маҳаллийлаштириш бўйича музокаралар олиб бораётганини таъкидлади.
Изоҳ (0)