Ukraina mudofaa sektori va hukumati Patriot havo mudofaa tizimining muqobilini ishlab chiqish bo‘yicha xorijiy hamkorlar bilan muzokaralar olib bormoqda.
Bu haqda Ukraina strategik sanoat vaziri German Smetanin harbiy-sanoat kompleksining 2024-yildagi faoliyati yakunlariga bag‘ishlangan anjumanda ma’lum qildi.
Uning so‘zlariga ko‘ra, bu tizim faqat AQSHdan yetkazib beriladi va bugungi kunda Rossiya ballistik raketalarini urib tushira oladigan yagona qurilmadir.
“Ukraina hududida Patriot havo hujumidan mudofaa raketa tizimlarining o‘xshashi hozircha yo‘q, biroq mudofaa sanoatimizda tegishli loyiha bor va biz bu borada ishlayapmiz”, dedi Smetanin.
Dunyoning shunga o‘xshash tizimlarni ishlab chiqarishi mumkin bo‘lgan boshqa mamlakatlari haqidagi savolga javob berar ekan, vazir shunday davlatlar borligini va Ukraina qisman mahalliylashtirish bo‘yicha muzokaralar olib borayotganini ta’kidladi.
Izoh (0)