Украина армияси мамлакат шарқидаги мудофаа чизиғида руслар билан олиб борилган жангларда 160 нафар аскарини йўқотган. Бу ҳақда “ТАСС” нашри хабар берди.
Украина кучлари, шунингдек, иккита зирҳли жанговар машина, бешта енгил машина, “Град” кўп манзилли ракета тизими ҳамда 3 та гаубицасидан ҳам айрилган. Артиллерия тизимлари руслар томонидан яроқсиз ҳолга келтирилган.
Россиянинг Шарқий жанговар гуруҳ бўлинмалари ўз позицияларини мустаҳкамлашга эришган. Улар Донецк ва Запорожье вилоятларидаги Украина қўшинларига зарбалар берган.
Россия Мудофаа вазирлиги маълум қилишича, шарқий фронтда Украинага тегишли Patriot ҳаво ҳужумидан мудофаа тизими батальони ва авиация депоси йўқ қилинган. Киев кучларига стратегик зарбалар берилган.
Шунингдек, 133 та туманда учувчисиз учоқлар ишлаб чиқариш заводлари, Украина армияси вакиллари ва душман ҳарбий техникаси йўқ қилинган. Киев қуролли кучларининг 34 нафар аскари ҳибсга олинган.
Россия ҳарбий идоралари Украина томони Чехияда ишлаб чиқарилган Vampire кўп нишонли ракета тизимини, иккита ўзиюрар артиллерия машинасини, тўртта гаубица ва иккита “Бук” зенит-ракета тизимини ҳам йўқотганини билдирган.
Изоҳ (0)