Аввалроқ тўлов тизимлари операторлари, электрон пуллар тизимлари операторлари ва тўлов ташкилотларида жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича ички назорат қоидаларига қўшимча ва ўзгартиришлар киритилиши ҳақида хабар берилганди. Ҳолат юзасидан Марказий банк изоҳ берди.
Маълум қилинишича, ички электрон пул ўтказмалари юзасидан маълумотларга қўйиладиган талаблар бўйича, Ички назорат қоидаларининг 312-бандига асосан БҲМнинг 30 баробарига (11 млн 250 минг сўм) тенг ёки ундан ошган суммадаги юборилаётган ички электрон пул ўтказмалари бўйича маълумотларни жўнатувчининг идентификацион маълумотлари билан бирга юборилишини таъминлашлари кераклиги белгиланмоқда.
Қўшимча қилинишича, ушбу банд талаблари мижозларга қўшимча қийинчиликларни келтириб чиқармайди.
Бунга сабаб — ушбу талаб тўлов ташкилотлари ва банклар ўртасида маълумот алмашинуви бўйича мажбуриятларга тааллуқли ҳисобланади.
Мижоз томонидан аккаунт очилишида олинган, яъни мавжуд идентификацион маълумотларни БҲМнинг 30 баробарига тенг ёки ундан ошган суммадаги юборилаётган ички электрон пул ўтказмаларида ўтказма билан бирга юборилишини таъминлашлари лозимлигини англатади”, дейилади хабарда.
Изоҳ (0)