Avvalroq to‘lov tizimlari operatorlari, elektron pullar tizimlari operatorlari va to‘lov tashkilotlarida jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirg‘in qurolini tarqatishni moliyalashtirishga qarshi kurashish bo‘yicha ichki nazorat qoidalariga qo‘shimcha va o‘zgartirishlar kiritilishi haqida xabar berilgandi. Holat yuzasidan Markaziy bank izoh berdi.
Maʼlum qilinishicha, ichki elektron pul o‘tkazmalari yuzasidan maʼlumotlarga qo‘yiladigan talablar bo‘yicha, Ichki nazorat qoidalarining 312-bandiga asosan BHMning 30 barobariga (11 mln 250 ming so‘m) teng yoki undan oshgan summadagi yuborilayotgan ichki elektron pul o‘tkazmalari bo‘yicha maʼlumotlarni jo‘natuvchining identifikatsion maʼlumotlari bilan birga yuborilishini taʼminlashlari kerakligi belgilanmoqda.
Qo‘shimcha qilinishicha, ushbu band talablari mijozlarga qo‘shimcha qiyinchiliklarni keltirib chiqarmaydi.
Bunga sabab — ushbu talab to‘lov tashkilotlari va banklar o‘rtasida maʼlumot almashinuvi bo‘yicha majburiyatlarga taalluqli hisoblanadi.
Mijoz tomonidan akkaunt ochilishida olingan, yaʼni mavjud identifikatsion maʼlumotlarni BHMning 30 barobariga teng yoki undan oshgan summadagi yuborilayotgan ichki elektron pul o‘tkazmalarida o‘tkazma bilan birga yuborilishini taʼminlashlari lozimligini anglatadi”, deyiladi xabarda.
Izoh (0)