Тошкент вилоятида 2023-2025 йилларда вилоятда жами 268 та объект мулкдорига 166,4 миллиард сўмлик компенсация маблағлари тўлаб берилди. Бу ҳақда вилоят ҳокимлиги хабар берди.
Унда айтилишича, мақсадли дастурлар асосида 208 та кўчмас мулк эгаларининг розиликлари асосида 242,1 миллиард сўм компенсация тўлаган ҳолда бошқа жойга кўчирилди. Жумладан:
- Янгийўл шаҳрида кўприк қурилиши ҳисобига 13 нафар мулкдорга 19,5 миллиард сўм;
- Нурафшон шаҳрида автомобиль йўл қурилиши ҳисобига 48 нафар мулкдорга 38,9 миллиард сўм;
- Ангрен шаҳрида кўмир кони кенгайиши ҳисобига хавфли ҳудудга айланган маҳалла фуқаролари йиғинидаги 86 нафар оилага 43,5 миллиард сўм;
- Юқори Чирчиқ туманида барпо этилаётган “Янги Тошкент шаҳри”, кўп қаватли турар жойлар, автомобиль йўли ҳудудида 41 та мулкдорга 92 миллиард сўм;
- Бўстонлиқ туманида ташкил этилаётган замонавий кўринишга эга бўлган туризм курорт зонасида 4 та мулкдорга 20,3 миллиард сўм;
- Паркент тумани марказининг архитектуравий қиёфасини тубдан яхшилаш мақсадида 16 нафар оилага 27,9 миллиард сўм компенсация маблағини тўлаган ҳолда, бошқа жойга кўчирилди.
Самарқандда реконструкция ишлари сабабли 200 дан ортиқ объект “снос”га тушади.
Ўзбекистонда кўчмас мулкни оммавий баҳолаш тизими жорий этилади.
Оммавий баҳолаш ишлари қуйидаги босқичларда амалга оширилади:
- 2025–2026 йилларда – эксперимент тариқасида Тошкент шаҳрида;
- 2026–2027 йилларда – Нукус шаҳри ва вилоятлар марказларида;
- 2027 йил ва ундан кейинги йилларда – қолган ҳудудларда.
“Уй-жой ва ипотека бозорини янада ривожлантиришга оид қўшимча чора-тадбирлар тўғрисида”ги президент фармони қабул қилинган эди. Фармон билан Ўзбекистонда ипотека кредитларида тўловларнинг бир қисмини қоплаш учун субсидиялар оширилади.
Ўзбекистонда турар жойи ночор аҳволдаги оилаларга ўз ҳовлисида уй қуриш ва таъмирлашга 120 миллион сўмгача ипотека кредити ажратилади.
Изоҳ (0)