Футбол бўйича Ўзбекистон Суперлигасининг 24-туридан ўрин олган марказий баҳс 9 ноябрь, шанба куни бўлиб ўтди.
Унда “Навбаҳор” Наманганда “Пахтакор” клубини қабул қилди.
Учрашувнинг 3-дақиқасида Сиёваш Ҳақназарий ҳисобни очди. Отабек Жўрақўзиев 36-дақиқада ҳисобни тенглаштирди. 7 дақиқа ўтиб Сиёваш иккинчи голни киритди — 2:1. Холматовнинг ажойиб тўп узатишидан сўнг Жўрақўзиев ҳам ўз ҳисобига дубль ёзиб қўйи.
60-дақиқада меҳмонлар сафида Асқаров қизил карточка олди. Бир киши кўп бўлиб ҳаракат қилишни бошлаган наманганликлар 2 дақиқа ўтиб ҳисобда олдинга чиқиб олди. Гол муаллифи — Жамшид Искандеров. Ҳакам томонидан қўшиб берилган дақиқаларда Никибадзе ва Жамшид Искандеров яна биттадан гол уришга эришди ва “Пахтакор” Намангандан йирик ҳисобдаги мағлубият билан қайтадиган бўлди.
Шу тариқа “Навбаҳор” 39 очко билан 3-ўринга кўтарилди. 38 очко тўплаган “Пахтакор” 4-ўринга тушди.
Суперлига.
24-тур
9 ноябрь, шанба
“Навбаҳор”— “Пахтакор” 5:2
Голлар: 1:0 — Сиёваш Ҳақназарий (3), 1:1 — Отабек Жўрақўзиев (36), 2:1 — Сиёваш Ҳақназарий (43), 2:2 — Отабек Жўрақўзиев (46), 3:2 — Жамшид Искандеров (62), 4:2 — Гиорги Никибадзе (90+2), 5:2 — Жамшид Искандеров (90+7).
“Навбаҳор”: 18.Элдорбек Суюнов, 7.Азимжон Аҳмедов, 8.Сиаваш Ҳақназарий, 9.Одилжон Ҳамробеков, 10.Жамшид Искандеров, 12.Саидазамат Мирсаидов, 13.Филип Иванович, 14.Жамшид Болтабоев, 22.Тома Табатадзе, 23.Йован Жокич, 34.Фаррух Сайфиев.
“Пахтакор”: 12.Владимир Назаров, 3.Шаҳзод Азмиддинов (8.Диёр Холматов 46), 4.Абдулла Абдуллаев, 7.Хожиакбар Алижонов, 17.Достонбек Ҳамдамов (44.Маҳмуджон Маҳаммаджонов 58), 22.Умар Адҳамзода (2.Беҳрузбек Асқаров 46), 23.Абдурауф Бўриев, 27.Сардор Собирхўжаев, 30.Отабек Жўрақўзиев, 55.Муҳаммадрасул Абдумажидов, 99.Улуғбек Ҳошимов.
Четлатиш: Беҳрўз Асқаров, 60
Изоҳ (0)