Тошкент марказидан Янги Тошкентга қатнайдиган 197-сонли автобус йўналиши ташкил қилинди. Бу ҳақда Тошкент шаҳар транспорт ва йўл-транспорт инфратузилмасини ривожлантириш бош бошқармаси маълум қилди.
Хабарга кўра, бошқарма бошлиғининг тегишли буйруғига асосан 2025 йил 28 мартдан айрим ўзгаришлар амалга оширилади. Хусусан, 190-сонли автобус йўналиши Янгибозор АШБ—Машинасозлар метроси йўналиши Янги Ўзбекистон кўчаси орқали Янги Тошкент бекатигача бир томонлама ҳаракат қилади. Кейин ўзининг аввалги йўналиши бўйлаб ҳаракатни давом эттиради.
Янги 197-сонли автобус йўналиши очилади. Ўзбекистон меҳмонхонаси бекати—Янги Тошкент бекати йўналиши ташкил этилади. Ушбу йўналиш Махтумқули ва Янги Ўзбекистон йўли кўчалари орқали ҳаракатланади.
Шунингдек, 137-сонли автобус йўналиши эндиликда Истиқбол маҳалласи бекатидан Паркент йўли кўчаси орқали Янги Тошкент бекатигача икки томонлама ҳаракат қилади. Истиқбол маҳалласи—Қўшқўрғон маҳалласи йўналиши Янги Тошкент бекати—Қўшқўрғон маҳалласи деб номланади.
Тошкентда 10 та автобус йўналиши ўзгартирилган эди.
5 мартдан бошлаб йўловчи оқими ва фуқаролар мурожаатларини инобатга олган ҳолда айрим автобус йўналишларига ўзгартиришлар киритилади. Хусусан:
- 29-сонли “Ҳувайдо” маҳалласи—“Пахтакор” метроси: Беруний ва Ал-Хоразмий кўчалари кесишмасидан чапга бурилиб ҳаракатланади.
- 120-сонли “Чорсу” метроси—“Гулистон” маҳалласи: “Чорсу” метросидан “Гулистон” маҳалласига боришда ва қайтишда А.Навоий кўчаси орқали ҳаракатланади.
- 105-сонли Сергели қўрғони—Чилонзор буюм бозори: Хонабод кўчасидан ҳаракатланади, Улгуржи бозорига кирмайди.
- 117-сонли Тошкент қувур заводи—Food City: Тошкент қувур заводидан келишда Улгуржи бозори орқали ҳаракатланади.
- 154-сонли “Бобур” маҳалласи—Зангиота юқумли касалликлар шифохонаси: “Бобур” маҳалласидан ТҲАЙ ва Янги Сергели кўчалари орқали ҳаракатланади.
- 87-сонли Ал-Хоразмий мавзеси—Қорақамиш 2/4 мавзеси: Гулистон, Пойгоҳ, Қурилиш, Қовунчи кўчалари орқали Чилонзор 30-даҳаси бекатигача ҳаракатланади.
- 17Т-сонли Бекобод мавзеси—Чилонзор буюм бозори: Чилонзор буюм бозоридан келишда Бешқайрағоч, Бекобод, Истироҳат кўчалари орқали ҳаракатланади.
- 99-сонли Сувсоз мавзеси—“Фарҳод” бозори: Сувсоз мавзесидан келишда Кичик ҳалқа йўли, Лутфий ва Фарҳод кўчалари орқали ҳаракатланади.
- 12-сонли “Қўйлиқ” деҳқон бозори—Қушбеги мавзеси: Қушбеги мавзесидан Кичик ҳалқа йўли ва Бобур кўчалари орқали Халқаро аэропорт-2 бекатигача ҳаракатланади.
- 174-сонли “Авиасозлар” АШБ—Жумабозор қўрғони: “Жумабозор” АШБдан Жумабозор қўрғони бекатигача узайтирилади.
Изоҳ (0)