Ўзбекистон Профессионал футбол лигаси томонидан 2025 йилги мавсумда фойдаланиш учун Adidas Tiro Pro тўплари харид қилинади. Бу ҳақда ташкилот матбуот хизмати хабар берди.
Маълум қилинишича, Суперлига ва Пролига клублари янги мавсумда расмий учрашувларни шу тўпларда ўтказади.
Бунга қадар икки мавсум давомида Molten тўпларидан фойдаланиб келинганди. Халқаро майдонда тўп сураётган клублар ҳам айнан Molten тўпларидан фойдаланишидан келиб чиқиб, шундай қарорга келинган.
“Adidas Tiro Pro тўплари футболчиларда қандай таассурот қолдиришини аниқлаштириш масаласида Лига Осиё майдонларида мамлакат шарафини ҳимоя қилаётган “Пахтакор” ва “Насаф”, шунингдек, келаси мавсум Чемпионлар лигаси II мусобақасида иштирок этадиган “Андижон” клубларини танлаб олди. Мазкур клублар футболчилари машғулотлар давомида Adidas Tiro Pro билан ишлаб кўрди ҳамда Лигага ўзининг ижобий хулосасини тақдим этди”, дейилади хабарда.
Изоҳ (0)