DxOMark мутахассислари вақти-вақти билан рейтингларни қайта кўриб чиқади ва ҳар сафар гаджетларнинг кўриниши, шаффофлигига эътибор қаратади. Бу жиҳатларга алоҳида эътибор қаратилиши билан бирга методология қайта (бешинчи марта) кўриб чиқилди. Шунингдек DxOMark мутахассислари янги рейтингда тестлар реал ҳаётдаги суратга олиш сценарийларига ўхшашини таъкидлади, яъни оддий фойдаланувчилар учун камерани кўриб чиқиш маълумотлари янада визуал ва қимматли бўлади.
Методология билан бир қаторда, рейтинг ҳам қайта кўриб чиқилди ва топ 10 таликда қизиқарли ўзгаришлар рўй берди. Масалан, iPhone 13 Pro Max дунёдаги энг яхши камерага эга телефонлар учлигига кирди – у аввал 137 баллга эди, ҳозир эса бу кўрсаткич 141 баллни ташкил этмоқда. Дунёдаги энг яхши камерага эга телефон — Honor Magic4 Ultra, гаджет ўз етакчилигини сақлаб қолди ва яна бир баллга эга бўлди.
DxOMark рейтингининг қайта кўриб чиқилиши Xiaomi’га ёқмади, чунки гаджетнинг ўрни ўзидан ортда турган моделларникидан ҳам тушиб кетди, Xiaomi 12S Ultra флагмани янги рейтингда бирданига икки поғонага: бешинчи ўриндан еттинчи ўринга тушиб кетди. Бироқ Samsung Galaxy S21 Ultra 131 баллга эмас, 135 баллга эга бўлди.
Овоз рейтинги ҳам қайта кўриб чиқилди. Унда ҳам Apple компанияси ишлаб чиқарган телефонлар юқори поғонага кўтарилди, Xiaomi Mi 10S эса пастга тушди.
Мавзуга доир:
- LeEco компанияси 75 доллар эвазига iPhone 13 нинг клонини тақдим этди.
- iPhone 13 Pro ва Nokia 3310 ўзаро мустаҳкамлик синовида таққосланди. Натижалар ҳайратланарли бўлиб чиқди.
- iPhone 13 Pro Max’нинг қуввати уч кунгача етади. Янги тест натижалари эълон қилинди.
- iPhone 13 эгалари қувватлантиришдаги хатоликдан шикоят қилмоқда.
Изоҳ (0)