АҚШ армиясининг тўрт нафар ҳарбий хизматчиси Литванинг Пабраде шаҳридаги марказий ҳарбий полигонда тактик машғулотлар якунланганидан сўнг ҳалок бўлган. Бу ҳақда Литванинг Lrytas янгиликлар портали маълум қилган.
Портал маълумотларига кўра, тўрт нафар америкалик сешанба куни кечқурун гусеницали транспорт воситасида машғулотлардан чиқиб кетган ва бедарак йўқолган. Чоршанба куни узоқ давом этган қидирув ишларидан сўнг уларнинг машинаси ботқоқликдан топилган. Таъкидланишича, барча ҳарбийлар ҳалок бўлган. Бироқ расмийлар буни тасдиқламаган.
“Ҳозирда воқеа содир бўлиши мумкин бўлган жой аниқланган, Литва армияси бошчилигидаги қидирув-қутқарув операцияси давом этмоқда. Қўшимча равишда Ёнғиндан сақлаш ва қутқарув департаменти, шунингдек, бошқа идораларнинг кучлари жалб қилинган”, дея маълум қилган Литва армияси.
Ҳодиса ҳақидаги маълумотни АҚШ армиясининг Европа ва Африкадаги қўмондонлиги ҳам тасдиқлаган.
Қайд этилишича, қидирув ишлари АҚШ ва Литва ҳарбийлари, Литва ҳуқуқ-тартибот идоралари ва бошқа идоралар томонидан олиб борилмоқда.
Изоҳ (0)