Арманистон Россиянинг Украинага нисбатан “тажовузкорлиги” бўйича Халқаро жиноий суд терговини қўллаб-қувватлаш ҳақидаги Европа Кенгаши давлатларининг қўшма декларациясини имзоламади.
“Биз, Европа Кенгашига аъзо давлатларнинг адлия вазирлари, Еврокенгаш Вазирлар қўмитасига Литва раислиги ҳомийлигида Вильнюс шаҳрида одил судловнинг Россиянинг Украинага қарши агрессияси билан боғлиқ жавобгарлик масалаларини муҳокама қилиш учун йиғилдик, дейилади декларацияда.
Арменпресс нашрига кўра, Арманистон ТИВ матбуот котиби Ани Бадалян мамлакат бошиданоқ декларацияга қўшилмаганини тасдиқлаган. Мазкур ҳужжат 42 та давлат томонидан имзоланган. Улар орасида Болтиқбўйи давлатлари, Грузия ва Молдова бор.
Sputnik Арманистон хабарига кўра, ОАВда Ереван дастлаб декларацияга қўшилгани, кейин эса имзони олиб ташлагани ҳақида маълумот пайдо бўлган.
Россия юрисдикциясини тан олмайдиган ХЖСнинг дастлабки тергов палатаси 2023 йилда Путин ва болалар омбудсмани Мария Лвова-Беловани ҳибсга олиш тўғрисида ордер берган эди. ХЖС Россия расмийларини украин болаларини “депортация қилиш”да айблаган.
ХЖС юрисдикцияси дунё аҳолисининг ярмидан кўпи яшайдиган мамлакатлар томонидан тан олинмайди. Улар орасида Россия, Озарбайжон, Беларусь, Миср, Ҳиндистон, Индонезия, Эрон, Қозоғистон, Хитой, Саудия Арабистони, АҚШ, Туркия бор.
Изоҳ (0)