11—12 июль кунлари Вильнюсда НАТО саммити бўлиб ўтди. Унинг асосий мавзуларидан бири Украинани қўллаб-қувватлаш эди. Саммитнинг биринчи кунида НАТО давлатлари Украинанинг альянсга кириш жараёнини соддалаштиришга келишиб олди, бироқ “барча иттифоқчилар рози бўлиб, шартлар бажарилгандагина” (қандай шартлар экани ноаниқ) Украина альянсга таклиф қилинишини қайд этди.
Украина президенти Владимир Зеленский 11 июль куни Вильнюсга келди, эртаси куни НАТО саммитида қатнашди. 12 июль куни 1997 йилдан бери мавжуд бўлган Украина—НАТО комиссияси негизида тузилган Украина—НАТО кенгашининг биринчи йиғилиши бўлиб ўтди. Зеленский кенгашнинг ташкил этилиши Киевда “альянснинг бир қисми бўлиш ҳиссини уйғотади” деб айтди. Бир вақтнинг ўзида Еттилик гуруҳи давлатлари Украина учун хавфсизлик кафолатлари тўғрисидаги баёнотни қабул қилиб, унга ҳарбий ва молиявий ёрдам ваъда қилди.
Вильнюсликлар НАТО саммитига келган АҚШ президенти Жо Байденнинг кортежини кутмоқда.
НАТО саммити арафасида Вильнюс марказига рамзий маънода жазо камераси(“ШИЗО”)нинг нусхаси ўрнатилди. Шундай камерага Россиянинг Владимир вилоятидаги колонияда сақланаётган сиёсатчи Алексей Навалний ўтган йил давомида 16 марта юборилган.
Бино тепасидаги “Путин, Гаага сени кутмоқда” ёзуви 2022 йил баҳорида пайдо бўлганди. Яқинда унинг ёнида Литва, Украина ва НАТО байроқлари осилди.
Украина президенти Владимир Зеленский ва Литва президенти Гитанас Науседа Вильнюс марказидаги митингда. 2023 йил 11 июль.
Саммит ўтказилаётган Liteхpо бизнес маркази ҳудудини НАТО кучлари назорат қилмоқда.
Кўргазма маркази ҳудудида бир гуруҳ журналистларни олиб юрган саммит қўриқчиси
Литвадаги саммит олдидан НАТО раҳбарияти Вильнюсни “альянсга аъзо мамлакатларнинг энг илғор қуроллари билан ҳимояланган қалъага” айлантирди. НАТОнинг 16 та давлати йиғилишни қўриқлаш учун биргаликда мингга яқин аскарини юборди. Германия Литвага 12 та Патриот зенит-ракета тизимини, Испания NASAMS ҳаво мудофаа тизимини, Франция эса Cаesar ўзиюрар гаубицаларини жўнатди. Саммит давомида экспомарказ ҳудуди устида учта вертолёт доимий равишда айланиб юрди.
Владимир Зеленский саммитга иккинчи кун, 12 июль куни ташриф буюрди. У журналистлар билан қисқача суҳбатлашди
12 июль куни тушдан кейин НАТО саммитида Украина—НАТО кенгашининг биринчи йиғилиши бўлиб ўтди. У 1997 йилдан бери мавжуд бўлган Украина—НАТО комиссияси асосида яратилган. Бу йиғилиш муносабатлар даражасининг ошиши ва келажакда Украинанинг альянсга кириши йўлидаги қадамлардан бири, деб ишонилмоқда. Кенгашда Украина музокаралар учун таклиф қилинган томон эмас, балки тўлиқ иштирокчи сифатида қатнашади.
Канада бош вазири Жастин Трюдо, Чехия президенти Пётр Павел, Дания ташқи ишлар вазири ва собиқ бош вазири Ларс Расмуссен ҳамда Финляндия президенти Саули Ниинистё НАТО—Украина кенгаши йиғилиши олдидан гурунглашмоқда
НАТО—Украина кенгашининг биринчи йиғилиши
Учрашув олдидан Буюк Британия бош вазири Риши Сунак, Туркия президенти Ражаб Тоййиб Эрдўғон, НАТО бош котиби Йенс Столтенберг ва АҚШ президенти Жо Байден Украина президенти Владимир Зеленский билан саломлашмоқда
АҚШ президенти Жо Байден Вильнюсдаги митингда нутқ сўзламоқда. 2023 йил 12 июль
НАТО етакчиларининг кортежлари келаётгани сабабли Вильнюсда фуқаролик машиналари ҳаракати тўсиб қўйилган кўча.
Изоҳ (0)