АҚШ фуқароларини зудлик билан Беларусни тарк этишга чақирди. Бунга Литва томонидан иккита чегара ўтиш пунктининг ёпилиши сабаб бўлди. Бу ҳақда АҚШнинг Беларусдаги элчихонаси хабар берди.
Литва ҳукумати 18 август куни Беларусь билан иккита чегара пунктларини ёпди. Ҳозирда тўртта чегара ўтиш пунктлари очиқ:
- Лаворишкес/Котлова;
- Мядининкай/Каменний;
- Райгардас/Привалка;
- Шалчининкай/Бенякони.
Польша, Литва ва Латвия ҳукуматлари Беларусь билан чегара пунктлари ёпилиши мумкинлигини айтди.
“Беларусдаги АҚШ фуқаролари зудлик билан мамлакатни тарк этиши керак. Литва ва Латвия билан қолган очиқ чегара ўтиш пунктлари орқали ёки самолётда чиқиш имкониятини кўриб чиқинг. АҚШ фуқароларига Беларусдан қуруқлик орқали Польшага киришга рухсат берилмайди. Сиз Россия ёки Украинага бормаслигингиз керак”, дейилади АҚШ элчихонаси мурожаатида.
Шунингдек, элчихона америкаликларни Беларусга боришдан тийилишга чақирган.
“Беларусь ҳукумати Россиянинг Украинага қарши асоссиз ҳужумига ёрдам беришда давом этаётгани, Россия Беларусда ҳарбий мавжудлигини кучайтириши, тартибсизликлар эҳтимоли, ҳибсга олиш хавфи ва элчихонанинг АҚШ фуқароларига ёрдам кўрсатиш имконияти чеклангани туфайли Беларусга борманг”, — дейилади мурожаатда.
Изоҳ (0)