Нью Йоркдаги Таймс-сквер марказида 16 мартга ўтар кечаси 45 ёшли эркакни ёқиб юборишди. Бу ҳақда The Guardian хабар берди.
Маълум қилинишича, жабрланувчи касалхонага ётқизилган. Унинг аҳволи барқарор. Ҳозирча полиция ҳодиса қасддан қилинган ҳужум ёки ўз-ўзидан содир бўлган тажовуз эканини аниқлаштирмоқда. Воқеа жойидан олинган кадрларда полициячилар кўйлакциз ва қаттиқ куйган эркакни тез ёрдам машинасига ортишаётганини кўриш мумкин.
Ҳужум қилган шахс воқеа жойидан яширинган ва ҳозирда қидирилмоқда. Эксперт-криминалистлар жабрланувчига дастлаб Патрóн Текила шишасидан тез алангаланувчи суюқлик сепилганини, сўнгра унга ўт қўйилганини аниқлади. Ҳуқуқ-тартибот идоралари ходимлари майдонда ўрнатилган кузатув камераларидаги ёзувларни ўрганмоқда.
- 16 март куни одамни ёқиб юбориш билан боғлиқ ҳолат Германияда ҳам кузатилган эди. Ҳодиса трамвайда юз берган, аёлга ўт қўйган эркак қочиб кетган.
- 2024 йилда шунга ўхшаш ҳолат Нью Йорк метросида юз берган эди. Ўшанда номаълум эркак аёлни ёқиб юборган, жабрланувчи ҳалок бўлган. Полиция гумонланувчи ҳақидаги маълумот учун 10 минг доллар миқдорида мукофот эълон қилди. Эркакни қўлга олишда полицияга қўнғироқ қилиб, уни поездларнинг бирида кўрганларини айтган мактаб ўқувчилари ёрдам берди.
- Бундан ташқари январь ойида Мисрда ўқувчилар ўқитувчи аёлни ёқиб юборган эди. Ўқитувчи ўқувчилар табригидан сўнг, куйиш жароҳатлари билан касалхонага ётқизилган.
Изоҳ (0)