Афғонистоннинг Бомиён вилоятида кузатилган сув тошқини оқибатида икки оиланинг 17 нафар аъзоси ҳалок бўлди. Бу ҳақда Hasht-e Subh Daily хабар берди.
-9-CtHZHj.jpg)
Вилоятдаги “Толибон” хавфсизлик қўмондонлиги матбуот котиби Абдул Сабоур Сиғоний маълумотни тасдиқлаган. У ҳозиргача 7 нафар сув тошқини қурбонларининг жасади топилганини, яна 10 киши эса бедарак йўқолганини айтган. Табиий офат Ҳазар Чашме, Даздан Чашме ва Пудинаҳ туманларида кузатилган.
Бомиён вилояти губернатори Абдулла Сарҳадий сув тошқинидан жабр кўрган ҳудудга борган, қутқарув гуруҳлари ҳам воқеа жойига етиб келган. Ҳалок бўлганлар орасида эркаклар ва аёллардан ташқари болалар ҳам бор. Сўнгги ойларда Афғонистоннинг турли вилоятларида кучли ёмғирлар ва кенг кўламли сув тошқинлари юз берди, юзлаб одамлар ҳалок бўлди.
Изоҳ (0)