Президент Шавкат Мирзиёев Германиянинг Магдебург шаҳрида юз берган фожиа оқибатида инсонлар ҳалок бўлгани ва жиддий жароҳат олгани муносабати билан Президент Франк-Валтер Штайнмаерга таъзия йўллади.
Давлатимиз раҳбари қурбон бўлганларнинг оила аъзолари ва яқинларига чин дилдан ҳамдардлик билдириб, жароҳат олганлар тез орада шифо топишини тилади.
Кеча 20 декабрь куни тунда Германиянинг Магдебург шаҳридаги Рождество ярмаркасида қора рангли BMW автомобили катта тезликда одамлар тўпланиб турган жойга бостириб кирди.
Билд нашри тарқатган маълумотларга кўра, воқеа оқибатида 11 киши ҳалок бўлган. Турли даражада жароҳат олганлар сони 205 нафарга етгани айтилмоқда.
Мазкур терактни содир этган шахс 50 ёшли асли саудиялик Толиб ал Абдулмуҳсин бўлиб, у 2006 йилда Германияга ўқиш учун келган.
Ўзининг ватани Саудия Арабистонида у терроризм, одам савдоси билан боғлиқ айбловлар билан қидирилмоқда. Германия ўз вақтида Абдулмуҳсинни саудияликларга экстрадиция қилишдан бош тортган.
Жиноятчи содир этган ҳаракатидан сўнг машинадан тушиб, ерга ётиб олган ва полицияга таслим бўлган.
Изоҳ (0)