Наманган вилоятида қасддан одам ўлдириб, ички ишлар ходимларидан яшириниб юрган эркак қидирилмоқда. Бу ҳақда ИИВ ахборот хизмати хабар берди.
Маълум қилинишича, Шермат Жўраев 1964 йилда Наманган вилоятининг Тўрақўрғон туманида туғилган. У Жиноят кодексининг 97-модда, 2-қисмида (айбдорга аён бўлган ожиз аҳволдаги шахсни қасддан ўлдириш) кўрсатилган жиноятни содир этиб, ҳуқуқни муҳофаза қилувчи идоралардан яшириниб юргани учун қидирилмоқда.
Ушбу шахс ҳақида бирон-бир маълумотга эга фуқаролардан зудлик билан 102 ёки 71-231-34-33, 97-273-11-01 телефон рақамларига қўнғироқ қилиш сўралди. Маълумот берган фуқаронинг шахси сир сақланиши кафолатланади.
Аввалроқ Сирдарё вилояти Янгиер шаҳрида 13 ёшли қизнинг жасади ўз уйидан қотиллик аломатлари билан топилган эди. Шундан кейин вилоят ИИБ уни ўлдиришда гумонланган эркакка нисбатан қидирув эълон қилди. Аввалроқ қизнинг онаси бу қотилликда ишқий муносабат билдириб юрган эркакдан гумон қилаётганини таъкидлаган эди. Айтишича, эркак оиласига бирор марта ёмон сўз гапирмаган, аёлга уни ёқтириб қолганини билдирган.
Изоҳ (0)