Тошкент вилояти Бекобод туманида бедарак йўқолган эркак икки йилдан буён қидирилмоқда. Бу ҳақда вилоят ИИББ хабар берди.
Маълум қилинишича, 1982 йил 8 январда туғилган Норқулов Бурҳон Ондақулович 2022 йил 2 ноябрь куни яшаш манзили (Бекобод тумани “Қўқони” маҳалласи)дан чиқиб кетиб, қайтиб келмасдан бедарак йўқолган.
Алоҳида белгилари: бўйи 170-175 см, ўртача гавдали, буғдойранг, сочи калта оқ оралаган, кўз-қоши қора рангда. Бедарак йўқолган Норқулов Бурхон Ондақуловични топишда кўмаклашган фуқаролар умумий 5 000 000 (беш миллион) сўм билан мукофотланиши кафолатланади.
Ушбу шахс тўғрисида бирор-бир маълумотга эга бўлганлардан 102 ёки +998709351902, +998910054022, +998908063121, +998944060644 телефон рақамлари орқали хабар бериш сўралди.
Изоҳ (0)