Истанбул шаҳри мэри, мухолифатдаги Республика халқ партияси вакили Акром Имомўғли қўлга олинди ва полиция ҳамроҳлигида судга етказилди. Бу ҳақда CNN Тürk хабар берди.
Имомўғлига нисбатан тергов доирасида 100 кишини, жумладан, мернинг матбуот билан алоқалар бўйича маслаҳатчиси Мурат Онгунни ҳибсга олишга ордер берилган. Имомўғлининг Сариер туманидаги қароргоҳида тинтув ўтказилмоқда. Мэр 8 март куни президентлик учун расман курашга киришган эди.
НTV нашрига кўра, Истанбул прокуратураси шаҳар мэри ва унинг маъмурияти ходимларини коррупция ҳамда террорчилар билан ҳамкорлик қилганликда айблаган.
Ўз навбатида, Истанбул университети шаҳар мэрининг дипломини бекор қилган. Имомўғли университетнинг ҳаракатини “ноқонуний” деб баҳолаган.
Улар (университет) бундай қарор қабул қилиш ваколатига эга эмас. Ваколат фақат Бизнес бошқаруви факультети директорлар кенгашига тегишли. Бу қарорни қабул қилганлар тарих ва адолат олдида жавоб берадиган кунлар яқин. Адолатга, қонун ва демократияга ташна халқимизнинг маршини тўхтатиб бўлмайди, деди мэр.
Университет 38 нафар шахс, шу жумладан Истанбулнинг мэри, 1990 йилда бошқарув факультетининг инглиз тилидаги дастурига ғайриқонуний тарзда ўтгани ҳақида маълум қилди.
Имомўғлининг Республика халқ партиясидан депутат Мурат Амирнинг айтишича, бу қарор “демократияга қаттиқ зарба” ҳисобланади.
Изоҳ (0)