Биз ҳамон ўтмишдаги юлдузларнинг истеъдодини юқори қадрлаймиз: улар қатнашган фильмларни қайта-қайта кўрамиз, қўшиқларини тинглашдан чарчамаймиз. Машҳур актёр ёки қўшиқчиларнинг кўплаб фарзандлари ва набиралари уларнинг изидан боргани ҳеч кимга сир эмас. Бунда ажабланарли ҳеч нарса йўқ, чунки харизма ва жозиба авлоддан авлодга осонликча ўтади.
Светлана Немоляева ва Полина Лазарева
Полина ижодий муҳитда улғайган, бу табиий ҳол, чунки у актриса Светлана Немоляева ва актёр Александр Лазаревнинг набираси. Болалигида Полина кўпроқ мусиқага қизиқарди, бироқ, чамаси, генлар ўз таъсирини кўрсатиб, у театр йўналишида ўқишга кирди. Бугун 30 ёшли қиз Майаковский номидаги театрда рол ижро этмоқда ва унинг фильмографиясида 17 тадан ортиқ кино мавжуд.
София Ротару ва София Евдокименко
Машҳур хонанданинг 19 ёшли набираси киборлар ҳаётига болалигиданоқ кўниккан. У ёшлигиданоқ мода кўргазмаларида иштирок этган, обрўли журналларга суратга тушган ва ҳатто мода ҳафталикларидан бирида Mercedes-Benz Kiev мода кунларининг амбассадори бўлган. Бироқ 2 йил олдин София “Унбреакабле” қўшиғини ижро этиб, хонанда сифатида ўзини намоён қилди. Қиз ўзига Софиа Эве тахаллусини танлади.
Юрий Никулин ва кичик Юрий Никулин
Юрий Никулиннинг набираси ҳам бир пайтлар ўз ҳаётини санъат билан боғлашни режалаштирганди. У Москва театр санъати мактаб-студиясини тугатиб, бир неча бор экранларда эпизодик ролларда кўринган. Бироқ маълум бир вақтда кичик Юрий Никулинни цирк кўпроқ қизиқтира бошлади ва у Рангли хиёбондаги циркда жамоатчилик билан алоқалар бўлимида ишлашга киришди. Бугун Юрий 34 ёшда ва у бобосининг ишини давом эттирмоқда.
Михаил Козаков, Юрий Яковлев ва Мария Козакова
27 ёшли актриса Мария Козаковага генлар борасида омад кулиб боққан, зеро унинг боболари машҳур Михаил Козаков ва Юрий Яковлев эди. 7 йил аввал қиз Шукин билим юртини тамомлаган ва Сатира театрида фаолиятини бошлаган. Шу билан бирга, Мария кинода ҳам фаол ишламоқда: бугунги кунга қадар у 24 та лойиҳада қатнашишга улгурган. Энг ёрқин роллари орасида “Кармелита” ва “Орлова ва Александров” сериалларидаги ижроларини айтиб ўтиш мумкин.
Эдита Пеха ва Станислав Пеха
Эдита Пеха сингари машҳур бувиси бор Станиславнинг мусиқачи бўлмасдан иложи йўқ эди. Томошабинлар уни биринчи марта “Юлдузлар фабрикаси” кўрсатувида кўришган ва ўшандан бери унинг карьераси фақат юқорилаб борган. Ҳозирда 40 ёшли Станислав қўшиқ куйлайди, шеърлар битади, телевидениеда бошловчилик қилади ва ҳатто мультфильмларга овоз бериш билан ҳам шуғулланади.
Иннокентий Смоктуновский ва Анастасия Смоктуновская
Машҳур актёрнинг набираси Анастасия ҳам актёрлик фаолиятини бошлашга қарор қилиб, бобосининг фамилиясини қабул қилди. Настя театр институтини тугатган бўлиб, ҳозирда 38 ёшли актриса Армен Жигарханян раҳбарлигидаги Москва драма театрида фаолият юритмоқда. Бундан ташқари, уни телеекранларда ҳам кўриш мумкин. Жумладан, у “Посёлкалар”, “Шифр” сериалларида ва “Алексеев ҳақида кино” фильмида рол ижро этган.
Евгений Евстигнеев ва Софя Евстигнеева
Софя Евстигнеева ёшлигиданоқ бал рақслари билан шуғулланиб, нуфузли мусобақаларда ғолибликни қўлга киритган, бироқ кейинчалик ўзини актёрлик соҳасида синаб кўришга қарор қилган. У бобосининг фамилиясини олиб, Москва театр санъати мактаб-студиясига ўқишга кирган. Бугунги кунда 25 ёшли актрисанинг ижодий фаолиятида бир нечта фильм ва сериаллар мавжуд, унинг энг ёрқин роли эса “Қўриқхона” фильмидаги Aurora образи бўлди.
Алла Пугачёва ва Никита Пресняков
Алла Борисовнанинг набираси атиги 29 ёшда бўлса-да, у аллақачон санъатнинг бир нечта йўналишида ўзини синаб кўришга улгурган: актёр, клип яратувчиси ва мусиқачи. Бугунги кунда унинг мусиқа соҳасидаги фаолияти тобора ривожланиб бормоқда ва 2018 йилда Никита асос солган “Мултиверсе” гуруҳи ўзининг илк альбомини чиқарди. Бундан ташқари, йигит вақти-вақти билан киноларда рол ижро этишни давом эттирмоқда, YouTubeда шахсий блогини юритмоқда ва паркур билан шуғулланмоқда.
Изоҳ (0)