“Кавказ асираси ёки Шурикнинг янги саргузаштлари” фильмидаги спортчи, комсомол ва шунчаки соҳибжамол Нина ролини ижро этган совет актрисаси Наталя Варлей ҳоира, қўшиқчи ва телебошловчи сифатида ҳам танилди. У бугунги кунда шахсий ҳаёти тафсилотларини бўлишмасликни афзал кўради ва камдан-кам ҳолларда телевизорда ёки ижтимоий тадбирларда иштирок этади.
Актриса фильмлар ва сериаллардаги ролларига жиддий ёндашади. Варлей 2022 йилда “Кутиб ўтирманг” ва “Бор овозда” сериаллари, шунингдек 2021 йилда “Сизнинг Люси холангиз” мини сериалида қатнашди.
“Шундай артистлар борки, улар учун қайси лойиҳада суратга тушишлари муҳим эмас, асосийси экранга чиқиш. Мен бу борада бошқача фикрга эгаман. Улар: ъБекор бу фильмда рол ўйнабдиъ дейишидан кўра, “Кавказ асираси”даги Нина образида бутун умрга эслаб қолишлари яхшироқ”, — деган эди актриса АиФу нашрига берган интервьюсида.
Актирснинг бир вақтлар Москва марказида уч хонали квартираси бор эди, у беш йил олдин уни сотиб юборган ва пулга иккита кичикроқ квартира сотиб олган. Варлей уйларнинг бирида ўзи яшайди, иккинчисини ўғилларидан бирига берди. Шунингдек, Наталя Владимировна пойтахтдан қирқ километр узоқликдаги ҳовлида асосий вақтини ўтказади. У мушукларни яхши кўради, бир вақтнинг ўзида 14 таси уй ҳайвони боққан вақтлар ҳам бўлган.
2018 йилда актриса ўзининг “Дор устида юриб. Автобиография” номли хотира китобини нашр этди. Асарда у нафақат ўзи ҳақида, балки кўплаб ҳамкасблари ҳаёти: Юрий Никулин, Георгий Вицин, Леонид Гайдай, Нонна Мордюкова ва бошқа актёрлар ҳақида ҳам ёзди. Варлейнинг тан олишича, уни ушбу китобни нашр этишга ёлғонларга тўла бошқа таржимаи ҳол асарлари сабаб бўлган.
“Сариқ матбуот ва виждонсиз нашрларга қарши курашишга кучим йўқ. Шунинг учун мен ҳаммаси аслида қандай содир бўлганини ўзим ёзишим керак, деб қарор қилдим. Албатта, китоб ҳаётимнинг барча жабҳаларини қамраб олмаган ва ҳамма воқеалар тўлиқ ёритилмаган, лекин мен асосий ҳақиқатларни албатта ёздим”, — деди Наталя Владимировна.
1980 йилларда актриса А.М. Горкий номидаги Адабиёт институтида таҳсил олган. Китоб устида ишлаётганда у нашриёт таклиф қилган адабий ёрдамчиларни рад этди ва асарни мустақил ёзди. Бундан ташқари, Наталя Варлей ҳамон мухлислар билан ижодий учрашувлар ўтказади, унда Варлейнинг шеърлари ва ижро этган қўшиқлари ҳақида суҳбат қурилади. 2017 йил октябрь ойида у ўзининг тўртинчи шеърий тўпламини нашр этди.
Наталя Варлейнинг ўғли Александр
Фото: Дзен
Ёшлигида актриса машқ пайтида оёқларини синдириб олган ва операция қилдиришга мажбур бўлган. Шундан сўнг, Наталя Владимировна соғлиғига кўпроқ эътибор бера бошлади. У ҳар куни тонгда жисмоний машқ бажаришга ва доимо ҳаракатда бўлишга интилади.
“Мен Скандинавия таёқлари билан юраман. Уйда вело-тренажёрим ҳам бор”, — дейди у.
Наталя Варлей уч марта турмуш қурган. Биринчи турмуш режиссёр Николай Бурляев билан атиги бир йил давом этди. Иккинчи марта Наталя ҳамкасби Владимир Тихоновга турмушга чиқди. Бироқ бу никоҳ ҳам узоқ давом этмади. Владимир гиёҳванд моддаларга қарам бўлиб қолади. У эрига гиёҳвандликка қарши курашда ёрдам беришга ҳаракат қилади, аммо барча уринишлари бесамар кетади. Шундан сўнг актриса ажрашиш учун ариза беради. Ушбу никоҳда 1972 йилда унинг катта ўғли Василий туғилган.
1985 йилда Наталя Владимировна иккинчи ўғли Александрни дунёга келтирди, у ўғлининг отаси исмини ошкор қилмайди. Александр режиссёр ва сценарий муаллифига айланди.
Изоҳ (0)