Мадриднинг “Реал” клуби ҳимоячиси ва сардори Дани Карвахаль ҳужумчи Килиан Мбаппе ҳақида фикр билдирди.
“Мбаппе ажойиб тарзда мослашди. У жуда кўп гол урмоқда. У дунёнинг энг яхши футболчисими ёки йўқ, буни мавсум охирида билиб оламиз, чунки жамоавий муваффақият катта аҳамиятга эга. Бу — муҳим жиҳат. У энг яхши уч футболчидан бири. Мбаппе кийиниш хонасида етакчи. Килиан — ажойиб инсон”, дея Карвахалнинг сўзларини келтирди АС нашри.
Жорий мавсумда Мбаппе барча мусобақаларда 31 та ўйинда майдонга тушиб, 21 та гол ва 3 та голли узатмани амалга оширди. Футболчининг клуб билан амалдаги шартномаси 2029 йилнинг ёзига қадар давом этади. Transfermarkt интернет порталига кўра, унинг тахминий нархи 160 миллион еврони ташкил қилади.
Изоҳ (0)