АҚШнинг Аризона штати Скоцдейл аэропортида 11 февраль куни самолётлар иштирокидаги навбатдаги авиаҳалокат содир бўлди. Ҳодиса оқибатида камида бир киши ҳалок бўлди. Бу ҳақда ABC News хабар берди.
Bombardier Learjet самолёти аэропортга қўнганидан сўнг учиш-қўниш йўлагидан чиқиб кетган. У хусусий ҳудудда тўхтаб турган Gulfstream 2100 бизнес-жетига бориб урилган. Ҳодиса оқибатида уч киши жароҳат олиб, шифохонага ётқизилган, бир киши эса даволанишдан бош торган. Самолётлардан бирида бир киши қамалиб қолган.
Айни пайтда учиш-қўниш йўлаги ёпиқ. Авиаҳодиса пайти Gulfstream бортида йўловчилар бўлмагани маълум қилинган.
“Gulfstream бортида жароҳатланганлар йўқ, бироқ самолётга ташқи зарар етган. Биз аэропорт маъмурияти ва тегишли идоралар билан тўлиқ ҳамкорлик қилмоқдамиз, чунки улар вазиятни чуқур ўрганмоқда”, дейилади хабарда.
30 январга ўтар кечаси American Airlines авиакомпаниясининг самолёти ҳалокатга учради. У Вашингтондаги Роналд Рейган аэропортига қўниш вақтида ҳарбий вертолёт билан тўқнашиб кетган. Лайнер бортида 64 йўловчи бўлган, улар орасида АҚШ чемпионатидан қайтаётган фигурали учувчилар ҳам бор эди. Вертолётда уч нафар ҳарбий хизматчи бўлган. Ҳеч ким тирик қолмади.
Изоҳ (0)