350 кишини ҳаётдан бевақт олиб кетган авиаҳалокатга 25 йил тўлди. Осмонда содир бўлган энг йирик тўқнашувлар ҳақида фоторепортаж
Бундан роппа-роса 25 йил олдин, 1996 йил 12 ноябрь куни Ҳиндистон устида парвоз қилаётган икки самолётнинг тўқнашуви оқибатида қурбонлар сони бўйича энг йирик авиаҳалокат юз берганди. Ўша фожиада 349 киши ҳалок бўлган. Шу ва осмонда содир бўлган бошқа ҳалокатлар ҳақида «Коммерсантъ» фоторепортаж тайёрлади.
1996 йил 12 ноябрь куни Ҳиндистоннинг Чархи Дадри шаҳридан 5 км узоқликда Saudi Arabian Airlines авиакомпаниясининг Boeing 747-168B йўловчи самолёти ва Kazakhstan Airlines авиакомпаниясининг Ил-76ТД юк ташувчи самолёти тўқнашиб кетди. Иккала самолётдаги одамларнинг барчаси — Boeing 747 дан 312 нафар ва Ил-76 дан 37 нафар — жами 349 киши ҳалок бўлди. Фалокат сабаблари сифатида учувчиларнинг инглиз тилини яхши билмагани, Ил-76 экипажининг диспетчер буйруқларини нотўғри тушунгани келтирилган.Фото: Reuters
1979 йил 11 августда «Аэрофлот»нинг иккита Ту-134А самолёти Украинанинг Днепродзержинск (ҳозирги Каменское) тумани осмонида тўқнашди. 178 киши авиаҳалокат қурбонига айланди. Ҳалок бўлганлар орасида Ўзбекистон «Пахтакор» футбол клубининг 17 нафар аъзоси ҳам бор эди (суратда уларга аталган ёдгорлик). Бахтсиз ҳодисага диспетчернинг хатоси сабаб бўлган.Фото: «РИА Новости»
1976 йил 10 сентябрда Югославия (ҳозирги Хорватия)нинг Врбовец шаҳри яқинида British Airways авиакомпаниясининг HS-121 Trident 3B ҳамда Inex-Adria Aviopromet авиакомпаниясининг McDonnell Douglas DC-9-31 самолётлари бир-бирига урилди.Фото: AP Photo
Врбовец яқинидаги ҳалокатда 177 киши ҳалок бўлди — иккала самолётдаги 176 киши (Trident 3B да 63 нафар ва DC-9 да 113 нафар одам), ердаги бир киши. Тўқнашувга диспетчер хатоси сабаб бўлган. Суратда: қурбонларнинг қариндошлари улар хотирасига аталган ёдгорликка кетмоқда.Фото: PА Images
1971 йил 30 июлда Япониянинг Ивате префектураси осмонида All Nippon Airways авиакомпаниясининг Boeing 727-281Аdv йўловчи самолёти ва Япония ҳаво кучларининг F-86F қирувчи самолёти тўқнашиб кетди. Авариядан сўнг Boeing бошқарувни йўқотиб, ерга қулаб тушди, қирувчининг учувчиси эса уни ҳалокат жойидан олиб кетишга муваффақ бўлди. Йўловчи самолёт бортидаги 162 кишининг барчаси ҳалок бўлди. Қирувчи самолётнинг учувчиси ва инструктори ҳалокатда айбдор деб топилди.Фото: Wikipedia
1992 йил 22 декабрда Ливиянинг Триполи тумани осмонида Libyan Arab Airlines авиакомпаниясига қарашли Boeing 727-2L5 йўловчи самолёти Ливия Ҳарбийҳаво кучларининг МиГ-23 қирувчиси билан тўқнашиб кетди, натижада 157 киши ҳалок бўлди. Қирувчини бошқараётган икки учувчи лайнерни хавфсиз жойга олиб ўтишга муваффақ бўлди. Учувчилар ва қирувчининг инструктори бахтсиз ҳодисада айбдор деб топилди.Фото: Wikipedia
2006 йил 29 сентябрда Бразилиянинг Мату Гросу штати устида Gol Transportes Aereos авиакомпаниясининг Boeing 737-8EH йўловчи самолёти ва ExcelAire авиакомпаниясининг Embraer EMB-135BJ Legacy 600 хусусий самолёти тўқнашиб кетди. Boeing бортидаги 154 кишининг барчаси ҳалок бўлди. Embraer эса чап қаноти шикастлангани учун Серра-ди-Качимбу аэропортига фавқулодда қўнди, бироқ бортда бўлган етти кишининг ҳеч бири жабрланмаган. Диспетчерлар ва хусусий самолёт учувчилари томонидан қилинган бир қатор хатолар фалокатга сабаб бўлган.Фото: AFP
1978 йил 25 сентябрь куни АҚШнинг Сан-Диэго шаҳри устида Pacific Southwest Airlines авиакомпаниясининг Boeing 727-214 йўловчи самолёти ва Cessna 172 хусусий самолёти тўқнашиб кетди. Иккала лайнер ҳам турар жой ҳудудларига қулаган. Ҳодисада 144 киши ҳалок бўлди — икки самолётдаги 137 киши, ердаги 7 киши.Фото: AP Photo
Тўқнашувга Boeing экипажининг Cessna 172 ни пайқамай қолиши сабаб бўлган.Фото: AP Photo
1960 йил 16 декабрда Нью-Йоркда иккита йўловчи самолёти — United Аир Линес компаниясининг Douglas DC-8-11 ва ТраTrans World Airlines компаниясининг Lockheed L-1049-54 Super Constellation самолётлари бошқа-бошқа аэропортларга қўнишга тайёрланиш вақтида тўқнашиб кетди.Фото: AP Photo
Ҳодисадан кейин самолётлар шаҳар устига қулади. Ҳаммаси бўлиб 134 киши фожиа қурбони бўлди, улардан 6 нафари ерда юрганлар эди. Ҳалокатга Douglas самолётининг қўниш олдидан диспетчер белгилаб берган ҳаво ҳудудидан чиқиб кетиши сабаб бўлган.Фото: Getty Images
1993 йил 8 февралда Теҳрон осмонида Iran Air Tours авиакомпаниясининг Ту-154М йўловчи самолёти ва Эрон ҳарбий ҳаво кучларининг Су-24 бомбардимончи самолёти тўқнашиб кетди. Ту-154М ҳавога кўтарилаётган ва Су-24 эса ерга қўнаётган эди. Ту-154 бортидаги 131 кишининг барчаси, Су-24 бортидан эса икки киши ҳалок бўлди. Ҳодиса сабаблари сифатида бомбардимончининг учувчилари ва диспетчери йўл қўйган хатолар келтирилди.Фото: Wikipedia
1956 йил 30 июнь куни United Air Lines компаниясининг Douglas DC-7 ва Trans World Airlines компаниясининг Lockheed L-1049-54-80 Super Constellation самолётлари АҚШнинг Катта канён ҳудуди устида тўқнашиб кетди. Иккала самолётдаги одамларнинг барчаси — DC-7 да 58 ва L-1049 да 70 — жами 128 киши ҳалок бўлди. Фалокат сабаблари ёмон об-ҳаво шароити ва учувчининг кабинетида кўришнинг чеклангани, деб аталди.Фото: AP Photo
Изоҳ (0)