“Барселона” клуби марказий ҳимоячиси Роналд Араухо жароҳат олди.
Футболчи кеча, 9 февраль куни “Севилья”га қарши кечган баҳсда жароҳат олган. Ҳимоячи 23-дақиқада Пау Кубарси билан алмаштирилганди.
Маълумот учун, 25 ёшли Араухо жароҳати сабаб мавсумнинг биринчи қисмини тўлиқ ўтказиб юборган ва январда майдонга қайтганди.
Ҳимоячи жорий мавсумда 8 та ўйинда майдонга тушиб, 1 та гол урган ва 1 та голли узатма муаллифи бўлган.
Изоҳ (0)