Олий таълим, фан ва инновациялар вазирлиги дипломлари тўғридан тўғри тан олинадиган топ-1000 таликка кирган ОТМлар рўйхатини тасдиқлади.
Унда халқаро эътироф этилган ташкилотларнинг (Quacquarelli Symonds World University Rankings, Times Nigher Education, Academic Ranking of World Universities) рейтингида олий таълим муассасалари орасида биринчи 1 000 ўринни эгаллаган хорижий олий таълим муассасалари ўрин олган.
Ушбу рўйхат 2025 йил учун эълон қилинган бўлиб, ҳар йили янгиланиб туради. Янги рўйхатдан 3004 та олийгоҳ ўрин олган. Хусусан, Марказий Осиёдан бу рўйхатга фақат Қозоғистоннинг айрим ОТМлари киритилган. Жумадан, Назарбоев университети, Ал-Фаробий номидаги Қозоғистон халқаро университети, Л.Н. Гумилёв номидаги Евросиё миллий университети, Мухтор Ауэзов номидаги Жанубий Қозоғистон тадқиқот университети, Қозоғистон Миллий аграр университети, Хўжа Аҳмад Яссавий номидаги халқаро қозоқ-турк университети, Олмаота технологик университети ва бошқалар.
2024 йилда ушбу рўйхатга 1002 та олийгоҳ киритилганди.
Топ-1000 олийгоҳларни тамомлаган талабаларнинг дипломлари Ўзбекистонда имтиҳон синовларисиз тан олинади (нострификация қилинади).
Буюк Британиянинг Times Higher Education-THE рейтинг ташкилоти 22 январь куни World University Rankings 2025 by Subject фанлар бўйича дунёнинг энг нуфузли олийгоҳлар рўйхатини эълон қилди. Унда Ўзбекистоннинг 3 та олий таълим ташкилоти илк маротаба THE ташкилоти томонидан эълон қилинган фан рейтингидан жой олди. Булар Тошкент ирригация ва қишлоқ хўжалигини механизациялаш муҳандислари институти, Мирзо Улуғбек номидаги Ўзбекистон Миллий университети, Тошкент ахборот технологиялари университети.
2024 йилда Тошкент ирригация ва қишлоқ хўжалигини механизациялаш муҳандислари институти Миллий тадқиқот университети ҳамда Мирзо Улуғбек номидаги Ўзбекистон миллий университети Британиянинг QS Quacquarelli Symonds халқаро рейтинг агентлигининг энг яхши университетлар рейтинги – QS World University Rankings’да муносиб жой эгаллаганди.
Изоҳ (0)