Бугунги кунда Ўзбекистондаги 112 та давлат олий таълим муассасаларида (ОТМ) жами 338 та талабалар турар жойи (ТТЖ) мавжуд. Уларнинг сиғими 127 792 ўриндан иборат. Бу ҳақда Олий таълим, фан ва инновациялар вазирлиги “Дарё”га маълум қилди.
![](/static/2024/08/20/photo_2024-08-19_20-52-44 (3)-dlCSy2N1.jpg)
Қайд этилишича, ҳозирда республика миқёсида 46 252 ўринли 86 та ТТЖ қуриш лойиҳалар амалга оширилмоқда. Улардан 59 таси (31 882 ўринли) давлат–хусусий шериклик асосида, 27 таси (14 370 ўринли) ОТМлари маблағлари доирасида қурилмоқда.
“Айни пайтда 34 320 ўринли 67 та талабалар турар жойларини қуриш ишлари олиб борилмоқда”, дейилади манба маълумотида.
Вазирлик хабарига кўра, 2026 йилда давлат ОТМларининг ётоқхоналар қуввати 182 616 ўринга етказилиб, талабаларни жой билан таъминланиш қамрови 68 фоиздан оширилади.
![](/static/2024/08/20/photo_2024-08-19_20-52-44-o2INC7A6.jpg)
Айни пайтда ТТЖлар сони энг кўп ҳудуд Тошкент шаҳри ҳисобланади. Бугун пойтахтда жами 41 848 ўринли 108 та талабалар турар жойи фаолият юритмоқда. Яна 8 542 ўринли 10 та ТТЖ лойиҳаси ишлаб чиқиляпти, 6 110 ўринли 7 та ётоқхона қурилиши давом этмоқда.
![](/static/2024/08/20/photo_2024-08-19_20-52-44 (2)-gBs2rJvy.jpg)
2024/2025-ўқув йили учун давлат ОТМларининг барча босқич талабаларига ТТЖларга онлайн ариза топшириш имкони яратилди. Жараён my.gov.uz портали орқали 1 августдан бошлаб ўқув йили якунигача давом этади.
![](/static/2024/08/20/photo_2024-08-19_21-01-32-ny9FIrMZ.jpg)
Маълум қилинишича, ётоқхона билан қамраб олинмаган ва ижарада яшовчи давлат ОТМлари талабаларининг 60 фоизига ойлик ижара тўловининг бир қисми бюджетдан қоплаб берилади. Талабгорларга ижара ҳақи учун Тошкент шаҳрида БҲМнинг бир баравари, қолган ҳудудларда БҲМнинг ярим баравари миқдорида пул тўланади.
Изоҳ (0)