Нафақат экранда, балки ҳаётда ҳам самимий бўлган жаҳон юлдузлари (фото)

Айрим машҳурлар мухлисларига яхши кўринишни хоҳлайди, ҳақиқатни эса улар билан дуч келган инсонлар билади. The Voice нашри нафақат экранда, балки ҳаётда ҳам мухлисларини самимийлиги билан ўзига ром этган машҳурлар ҳақида маълумот берди ва улар билан учрашган инсонларнинг ижтимоий тармоққа жойлаган ҳикояларини келтирди.

Дэниэл Редклифф 

«Бир тадбирда мен Дэниэл Редклиффга ширинлик узатиб турган эдим, қоқилиб кетдим. Ширинликни ағдариб юбордим (ўйлайманки, кимга хизмат қилаётганимни кўрганман). У нима қилганини биласизми? Дэниэл ўрнидан туриб, мендан кечирим сўрай бошлади. У жуда мулойим эди ва мендан яхшимисиз, деб сўрарди».

Энн Хетеуэй

«Биз Энн билан суҳбатлашдик, унинг саҳнага чиқишини кутдик. У менга ўзининг беодоблиги ҳақида гапирди ва биз бу ҳақда ҳазил қила бошладик. Уни саҳнага чақиришганда, зинадан кўтарилаётганда қоқилиб кетди ва юзи билан йиқилди, кейин менга ўгирилди ва биз бирга кула бошладик. У меҳрибон ва жуда яхши инсон. Мен у билан учрашганимдан хурсандман».

Хью Жекман

«Бир куни менинг дўстим ‘Ғаройиб одамлар: Муқаддима. Росомаха’ фильми премьерасига борди ва фильмни томоша қилди. Инсонлар тунни кинотеатрда кутиш билан ўтказди. У уйғонганида, Хью Жекман ҳаммага нонушта — сендвич ва апельсин шарбатини сотиб олиб бергани маълум бўлди. У ерда камида 100 киши бор эди».

Хью Лори

«Хью Лори билан учрашиб, ишонч билан айта оламанки, у энг ёқимтой ва камтар машҳурлардан бири. У нафақат мухлислар билан суҳбатлашишдан хурсанд бўлади, шундай қиладики, уларнинг ҳар бири ўзини уни дўстидек ҳис қилади. Хью уларнинг исмлари ва шахсий маълумотларини ҳайратланарли даражада аниқлик билан эслаб қолади ва у билан бўлган ҳар бир суҳбат қимматли суҳбатнинг давомига ўхшайди. Бунга қўшимча қилиб айтиш мумкинки, у ниҳоятда кулгили ва Хьюда жуда яхши йигитнинг рецепти бор».

Уилл Смит 

«Бир неча йил олдин Уилл Смит учун шахсий тадбирни ўтказдим. У келганда ва кетишидан олдин ҳар бир ишчига миннатдорчилик билдирди. У зўр хулқ-атворга эга ва ходимлар билан ҳазиллашиб, яхши кайфиятда эди. Ажойиб йигит».

Мавзуга доир: 

• Машҳурлар оиласида дунёга келганини кўпчилик билмайдиган Голливуд юлдузлари (фото).
• Фарзандидан айрилган, 3 соат ухлаган, ҳожатхонада фаррошлик қилган: муваффақиятга эришиш йўлида турли қийинчиликлардан ўтган юлдузлар (фото)
• Роли сабаб томошабинлар танқиди ва ғазабига учраган машҳур актёр ва актрисалар (фото
• Фильмнинг суратга олиш жараёнида ҳомиладорлигини моҳирлик билан яширган актрисалар (фото)