Испанияда набира бувиси Telegram’дан фойдаланиши учун махсус консоль яратди

Испанияда Мануэль Лусио Далло исмли муҳандис 96 ёшли бувиси Telegram’дан фойдаланиши учун махсус гаджет яратди, деб хабар беради «Korrespondent.net».

Кекса аёл дастурдан фойдалана олмаган ва шу сабабли набиралари билан гаплашиш имкониятига эга бўлмаган. Бу эса, айниқса, локдаун вақтида жуда сезилган.

Шунда кампирнинг набираларидан бири бувиси фойдаланиши учун осонроқ бўладиган енгил қурилмани яратган. Далло ўз қурилмасини Yayagram деб атаган бўлиб, у микрофонга эга катта консоль ҳисобланади. Хабар юбориш учун симни фойдаланувчининг исми ёзилган разёмга тиқиш, тугмани босиб туриб, керакли хабарни гапириш керак. Шу орқали хабар мессенжерга оддий овозли хабар сифатида боради.

Мессейж қабул қилингач, Yayagram оператори томонидан у принтерда чоп этилади.

Таъкидланишича, мазкур гаджет Raspberry Pi 4 чипи асосида яратилган. Шунингдек, Python ва кутубхона дастурларидан фойдаланади.

Аввалроқ хитойлик муҳандислар рюкзак кўтариб юришни осонлаштирадиган қурилма ихтиро қилгани тўғрисида хабар берилганди.