SCC France компанияси жорий йил ёз фаслида бўлиб ўтадиган Олимпия ва Паралимпия ўйинларини қўллаб-қувватлаш доирасида ажойиб гаджет ихтиро қилди.
SCC France ўн мингга яқин ходимга эга консалтинг ташкилоти бўлиб, Олимпия ўйинларига тайёргарлик кўриш мақсадида компания махсус акция эълон қилди. Унга кўра, югуриш йўлакчасида 300 метрга югурган ҳар бир ходим бир стакан кофега эга бўлиши мумкин. Компаниянинг Маркетинг коммуникациялари директори Сандрин Денобл ушбу ғоядан хурсанд эканлигини билдирди:
“Бу ажойиб ихтиро! Run for coffee жисмоний ҳаракат учун ҳақ тўлайдиган биринчи кофе машинали югуриш йўлакчаси бўлди. Ушбу гаджет спорт ва замонавий технологияни бирлаштиришга хизмат қилади”
Гаджет ишлаш принципи қуйидагича: танаффус пайтида ходим югуриш йўлакчасига чиқиб, электрон почтасига киради ва “старт” тугмасини босади. 300 метр масофани босиб ўтгандан сўнг, у бир стакан қаҳва олади. Бундан ташқари, баъзи стаканлар ултрабинафша код билан жиҳозланган. Бу эса ходимларга турли совринларни ютиб олиш имконини беради.
Агар танаффус пайтида югуриш керак бўлса, буни кофе-брейк деб аташ тўғримикан?”, — дейди ходимлардан бири.
Изоҳ (0)