Шарқнинг энг замонавий давлати Японияда 400-МА179 деб номланган оёқлар учун клавиатура ишлаб чиқилди. Ушбу гаджет махсус дастурга эга макропад бўлиб, унинг ҳар бир тугмасига маълум бир клавишлар ҳаракати ўрнатилиши мумкин. Бу ҳақда Europaplus нашри хабар бермоқда.
Sаnwа Supply компанияси томонидан яратилган макропад педаллар кўринишида тайёрланган учта тугмага эга. Уларнинг ҳар бирига клавиатурадаги исталган тугмани ёки тугмалар бирикмасини босиш орқали бажариладиган функцияни созлаш мумкин.
Масалан, чап кнопкага CТRL+C, ўнг томонга CТRL+V тугмаларини ўрнатсангиз бўлади. Бир вақтнинг ўзида ҳам қўл, ҳам оёқлар билан ишлаш орқали мазкур гаджет вақтни тежаш ва иш унумдорлигини оширишга хизмат қилади.
Ишлаб чиқарувчи корхонанинг таъкидлашича, гаджет экологик жиҳатдан тоза бўлиб, қайта ишлаш учун яроқлидир.
Қурилманинг оғирлиги тахминан 350 грамм, ҳажми 14х37 см бўлиб, катта жой эгалламайди. 400-МА179 оёқ клавиатураси USB-А кабели ёрдамида компьютерга уланади. Унинг нархи 5280 япон йенаси ёки 35,5 АҚШ долларини ташкил этади.
Изоҳ (0)