Испаниянинг Bioo стартапи антиқа ихтиро — гаджетни қувватлантириши мумкин бўлган ўсимликлар учун тувакни тақдим этди. Механизм электр олиш имконини берувчи табиий фотосинтезга асосланган. Бу ҳақда «Hi-Tech Mail.ru» хабар бермоқда.
Қурилма бўйи 21 сантиметр бўлган гултувакдан иборат. Унинг тубида 5 ваттли қувватлантириш блоки ва сув тушишини сезадиган бактерияли икки кичик қисм бор. Блок тўйиниши лозим бўлган қурилма билан USB орқали боғланади, шу боис унга исталган гаджетни улаш мумкин.
Фотосинтез чоғида бактериялар фаоллашади ва электр ишлаб чиқарилади. Сутка мобайнида 2—3 смартфонни қувватлантириш мумкин. Бу жиҳатдан уни компьютерга уланиш билан тенглаштирса бўлади.
Ихтирочиларнинг айтишича, бактериялар нафақат электр ишлаб чиқаришда иштирок этади, балки сув тозалигини ҳам назорат қилади. Тувакнинг махсус тузилиши туфайли сув смартфонга тушишидан қўрқмаса бўлади.
Қурилма ҳар қандай ўсимлик билан ишлай олади, уларнинг барглари қанчалик кўп бўлса, шунча яхши. Фақат кактус бундай мақсадлар учун унчалик тўғри келмаслигини ҳисобга олмаганда, албатта.
Бундай гаджет 100 евро туради.
https://youtu.be/UIBQ49extFE
Изоҳ (0)