Сўнгги йилларда смартфонлар бозорида бир неча йил олдин имконсиз дея тасаввур қилинган дизайнли гаджетлар пайдо бўлмоқда: корпус ёки экран остига яширинган фронтал камера, эгилувчан дисплей — ишлаб чиқарувчилар шакллар устида янада кўпроқ тажриба ўтказишни бошлади. Масалан, Samsung тўлиқ шаффоф экранли гаджет яратмоқда, деб ёзади Hi-Tech.Mail.ru.
Жанубий Корея гиганти шаффоф қурилмани ишлаб чиқариш имконини берадиган янги технологияни патентлади. Шунингдек, ихтиро шаффоф дисплейли бошқа девайсларни ҳам ишлаб чиқариш имконини беради: телевизорлар, мониторлар, ноутбук ва ўйин консоллари.
Патентнинг катта қисми техник жиҳатга бағишланган. Ҳужжатда шаффофликка эришиш учун керак бўладиган турли қатлам ва эҳтиёт қисмлари ҳақида батафсил маълумот келтирилган. Қурилма ингичка ҳошия ва катта шаффоф экранга эга. Афтидан, OLED-панелдан фойдаланилади, чунки дисплейнинг бу тури шаффоф ёрқин панел билан жиҳозланган.
Samsung’нинг мазкур қурилмаси ҳақида бошқа маълумотлар ҳозирча йўқ. Бундан ташқари, Жанубий Корея компанияси ушбу қурилма устида ростдан ҳам иш бошлаганми ёки шунчаки келажак учун патент олиб қўйганми — бу ҳам номаълум.
Аввалроқ Samsung бир марта қувватлантирилганда 2 кун узлуксиз ишлайдиган смартфонни тақдим этганди.
Изоҳ (0)