Қозоғистонда жиноятда гумонланувчиларни қамоққа олиш ўрнига уларга электрон билагузуклар тақиш кўпайди. Бу ҳақда Олий суд матбуот хизматига таяниб, “KazTAG” хабар берди.
2024 йилда уй қамоғига олинганларнинг 60 фоизига электрон кузатув воситалари қўлланилган бўлса, 2021 йилда бу кўрсаткич 3 фоиздан ошмаган, дейилади хабарда.
Атиги ўн ой давомида судлар томонидан 505 та билагузук қўлланилган. 2021 йилга нисбатан уй қамоғи 860 тадан 1911 тага ёки икки бараварга, гаров эвазига озод этиш эса тўрт бараварга (59 тадан 214 тага) ошди.
Электрон билагузук қандай ишлайди?
Билагузукни мустақил равишда олиб ташлаш мумкин эмас. Гаджетнинг хавфсизлик тизими бузишга уриниш ёки унга зарар етказилиши ҳақида дарҳол хабар беради. У хавфсизлик хизмати ходимлари томонидан маҳкамланади ва унинг махсус калити бор.
Бундан ташқари, гумонланувчи билагузукни кесолмайди, чунки тасма бўйлаб сенсор мавжуд. У кўринишидан оддий электрон соатга ўхшайди, сана ва вақтни кўрсатади. Харитада эса хавфсизлик ходимлари ҳар бир билакузукни кўриб туради ва гумонланувчи белгиланган чегара доирасидан чиқиб кетмаслигини назорат қилади.
Изоҳ (0)