Қуёш юзасида улкан коронал “тешик” пайдо бўлди, у Қуёш айланасининг чорак қисмини қамраб олади. Бу ҳақда “РИА Новости” хабар берди.
Маълум қилинишича, тешик Ер томонга юқори тезликда қуёшли шамоллар тўлқинини тарқатиши мумкин. Бу эса сунъий йўлдошларга зарар етказиши ва Ерда қутб ёғдуларини келтириб чиқариши кутилмоқда.
Коронал тешиклар, умуман олганда, қуёш фаоллигига қарама-қарши ҳодиса бўлиб, одатда Қуёшдаги тинч фазада пайдо бўлади. Ҳозирги пайтда Қуёш сезиларли даражада тинчланган ва шу фонда бундай ҳодисалар юзага келмоқда, деди Россия Физика институти Қуёшнинг рентген астрономия лабораторияси бош илмий ходими Сергей Богачёв.
У Ер атрофида қуёш шамоли тезлиги секундига тахминан 400 километрдан 600 километргача кўтарилиши ва ҳафта давомида шу даражада сақланиб қолишини прогноз қилди. Олим бу ўсиш сезиларли, аммо унчалик хавфли эмаслигини таъкидлади.
Богачёвнинг айтишича, Қуёш шамоли Ер магнитосферасидаги вазиятни ёмонлаштириши мумкин. Бироқ бу магнит бўронларини келтириб чиқариши эҳтимолдан йироқ.
Изоҳ (0)