Истанбулда Россия президенти Владимир Путиннинг 50,1 миллион долларлик Victoria (кейинги ўринларда “Виктория”) суперяхтаси аниқланди. Бу ҳақда “Досье” марказининг суриштирув олиб борувчи журналистлари хабар берди.
71 метрли “Виктория” Путиннинг ўнинчи яхтаси бўлиб, октябрь ойининг охиридан бери Истанбулдаги кемасозлик заводида бўлган. Яхта қурилиши 2005 йилда “Севмаш” мудофаа заводида бошланиб, 2019 йилдагина қуриб битказилган. Расмий равишда у миллиардер ва президент Путиннинг яқин дўсти Геннадий Тимченко тузилмаларига тегишли.
“Виктория” қурилиши узоқ вақт кечгани сабабли, Тимченко президент ишончини оқлаш учун Путинга яна бир яхта — 140 метрлик “Шаҳризода”ни буюртма қилган, — дейди бизнесменнинг дўсти “Досье”га.
Ҳаммаси бўлиб “Севмаш” Россия президенти учун иккита яхта қурган — “Виктория”дан ташқари завод Graceful кемасини ишга туширган.
“Виктория” эгаси расмий равишда Paer компанияси, бошқарувчиси эса Фазар-Инвест. Иккала компания ҳам бир-бири билан боғлиқ ва Тимченко юридик шахслар гуруҳига киради. Тузилмалар миллиардернинг Ўзбекистондаги газ лойиҳасига маблағларни йўналтирувчи Vesta ташкилоти орқали молиялаштирилади.
2020 йилдан бери Фазар-Инвест 1,86 миллиард рубль олди. Бу маблағлар яхта ва унинг йўловчилари учун қиммат харидларга сарфланган. “Виктория” Сочида жойлашган ва вақти-вақти билан Путиннинг саройи жойлашган Идокопас бурнига келиб турган. Шу вақтда яхта автоматик идентификация тизимини ўчирган ва радардан йўқолган.
“Виктория” экипажи таркибига аввалроқ Путиннинг бошқа Shellest қайиғида ишлаган денгизчи Алексей Макаров ва “Шаҳризода” ва Graceful жамоаларининг бир қисми бўлган Александр Ермакнинг синглиси стюардесса Инна Ермак киради. “Виктория” собиқ капитани Алексей Алексеев ҳозирда Дмитрий Медведевнинг Universe яхтасига қўмондонлик қилмоқда.
Путиннинг атрофидагилар Сочидаги суперяхтани яширмайди. “Досье” терговчилари “Виктория”ни бадиий гимнастикачи ва Алина Кабаева томонидан ҳар йили ўтказиладиган Алина фестивалининг хореографи Наталя Белугина аккаунтидан аниқлаган. Кабаева бу кемадан мунтазам равишда фойдаланади, дейди унинг таниши.
Умуман олганда, Путиннинг ўнта яхтаси бор:
- 15 метрли Brizо (1,2 миллион доллар)
- 30 миллион евро бўлган 54 метрли “Чайка” (илгари Sirius деб аталган),
- 46 метрлик Shellest (23,9 миллион доллар),
- 82 метрлик Graceful (100 миллион доллар),
- 37 метрлик Aldoga (14-16 миллион доллар),
- 32 метрлик Negа (12,2 миллион доллар),
- 57 метрлик Оlimpia (37 миллион доллар),
- 38 метрлик Orion (14-16 миллион доллар),
- 140 метрли “Шаҳризода” (583,1 миллион евро) ва “Виктория”.
Изоҳ (0)