Британиянинг ўта ўнгчи партияси бўлган Reform UK раҳбари Найжел Фараж Х ижтимоий тармоғида америкалик тадбиркор Илон Маскнинг партия уни етакчилик лавозимидан четлаштириши кераклиги ҳақидаги сўзларига изоҳ берди.
Аввалроқ Буюк Британияни ислоҳ қилиш учун овоз беришга чақирган Маск бу “ягона умид” эканлигини айтиб, партия ўз раҳбари Найжел Фаражни алмаштириши кераклигини айтганди. Британиянинг Telegraph газетаси таъкидлаганидек, Маск ва Фараж ўта ўнгчи исломофоб “Инглиз мудофааси лигаси” асосчиси Томми Робинсон ҳақида келишмовчилик билдиришган. Илон Маск уни ўзининг ижтимоий тармоғида “мақтаган”, Фараж эса “Робинсон бизга керак бўлган инсон эмас” деб айтган.
“Илон ажойиб инсон, лекин бу ерда менинг фикримча, Томми Робинсон Буюк Британияни ислоҳ қилиш учун мос эмас ва мен ҳеч қачон ўз принципларимдан воз кечмайман”, деб ёзган Фараж Маскнинг постига жавобан.
Reform UK раҳбари Найжел Фаражнинг Британиядаги мигрантлар ҳақидаги гаплари ижтимоий тармоқларда кенг муҳокамаларга сабаб бўлди. Кўпчилик уни ирқчиликда айблади.
Найжел Фараж мигрантлар ҳақида нима деган?
“Лондон аҳолисининг атиги 37% ҳозирда оқ танлилар, Бирмингемда бу кўрсаткич 43%, Манчестерда эса 49%. Англия ва Уэлсдаги учта энг йирик шаҳарларда оқ танли аҳоли озчиликни ташкил қилади. Бу жуда катта ўзгариш. Ҳар олти британияликдан бири хорижда туғилган”, дейди Найжел Фараж.
Бир неча йилдан сўнг унинг сўзларига кўра, Британия пойтахтининг ҳар саккизинчи аҳолиси мамлакатдан ташқарисида туғилган инсонларни ташкил қилади. Бунга асосий сабаб сифатида у Британияга мигрантлар оқими тўхтамаётганини кўрсатган.
Парламент сайлови натижалари
2024 йилнинг июль ойида бўлиб ўтган сайловлар натижасида лейбористлар парламентда мутлақ кўпчиликни (402 ўрин), Reform UK партияси эса бор-йўғи бешта ўринни қўлга киритганди. Шу билан бирга, Фараж партияси 14,3 фоиз овоз тўплаб, овозлар сони бўйича учинчи ўринни эгаллади.
Овоз бериш фоизи бўйича у 98 та сайлов округида иккинчи ўринни эгаллади, шулардан 89 тасида лейбористлар ғалаба қозонди. Берилган овозлар ва депутатлик ўринлари сони ўртасидаги бундай тафовут мамлакатда амалдаги сайлов тизими билан изоҳланади, унда ўз сайлов округи бўйича энг кўп овоз олган номзод парламентга киради.
Илон Маскнинг баёнотлари
Маск ўнг қанот партияга овоз беришга биринчи марта чақираётгани йўқ – у аввалроқ Германиянинг Welt газетаси учун ёзган мақоласида ўнг қанот “Германия учун муқобил” (АfD) партияси Германиядаги ягона сиёсий куч эканлигини ёзган эди.
Ушбу материалнинг нашр этилиши Welt таҳририятида ҳам, умуман Германияда ҳам қизғин баҳс-мунозараларга сабаб бўлди: Welt бўлими бошлиғи Эва Мари Когел материал эълон қилинганидан кейин истеъфога чиқди.
Христиан демократик иттифоқи ва Христиан ижтимоий иттифоқи мухолифат блокидан Германия канцлерлигига номзод бўлган Фридрих Мерз мақолани Германия сайловларига мисли кўрилмаган аралашув деб атади.
Изоҳ (0)