Илон Маск расман дунёдаги энг бой одам ва, мантиқан олиб қараганда, энг ҳашаматли уйларга эга бўлиши керак. Бироқ миллиардер аксинча, ҳеч нарсага эгалик қилмаслик ва бирор жойга боғланиб қолмасликни афзал кўради. 2020 йил май ойида у Twitter’да шундай деб ёзганди: “Мен деярли барча моддий активларимни сотаман — шахсий уйим бўлмайди”. Миллиардер ўз сўзида турди — кўп миллион долларлик ҳашаматли кўчмас мулкларини аста-секин сотди. Қуйида аввал нималарга эгалик қилгани ҳақида гаплашамиз.
Бумеранг уй
Лос Анжелесда Илон Маскнинг жами еттита уйи бор. Мисол учун, уйларининг биридан болалари ўқийдиган “ўқув хонаси” сифатида фойдаланади — барча уйлари яқин жойда жойлашган. Ўтган ёзда у шу уйлардан тўрттасини сотди. Мулкнинг янги эгаси участкаларни бирлаштиришни режалаштирмоқда.
Бу уй коллекциянинг тожи ҳисобланади. Бинонинг архитектураси бумеранг шаклида қурилган бир қаватли бино.
Қанотларнинг бирида умумий меҳмонхона ва овқатланиш жойи мавжуд, у ердан суриладиган эшик орқали ҳовузга борилади, унинг атрофида дам олиш хонаси мавжуд. Қарама-қарши қанотда ётоқхоналар ва ҳаммом мавжуд. Бундан ташқари, улар шундай қурилганки, ҳар бирида уйнинг периметри бўйлаб боғга очиладиган дераза мавжуд. Уй фасад томонида ерости гаражига кириш жойи мавжуд. Бино олдида иситиладиган очиқ бассейн ҳам бор. “Бумеранг” — ақлли уй тизимига эга: уйдаги ёритиш, шамоллатиш, иситиш ва аудиони бевосита телефондан бошқариш мумкин.
30 миллион долларлик уй
2020 йилнинг ёзида Маск ўзининг энг қиммат уйи билан хайрлашди. У 2012 йилда Лос Анжелеснинг нуфузли ҳудудидаги уйни 17 миллион долларга сотиб олганди — уй 30 млн долларга нархланган бўлса-да, 29 млн долларга сотилди. Уйнинг янги эгаси компьютер ўйинлари бўйича бизнесмен — хитойлик миллиардер.
Бу мулкда аввалгисидан фарқли ўлароқ, икки қаватли кутубхона, уй театри, кенг спорт зали ва вино омбори мавжуд.
1500 квадрат метрлик саройда еттита ётоқхона, жумладан, бир нечта меҳмонхона мавжуд. Интерьер анъанавий Америка классикаси услубида безатилган. Уй 1990 йилларда қурилган. Хариддан сўнг Маск фақат косметик таъмирлаш билан чекланди — бу уйни сотиб олишдан олдин анча вақтгача ижарага олган ва интерьерга ўрганиб қолганди.
Уйда теннис корти, уй атрофида эса яшил хиёбон мавжуд, у ерда очиқ ҳавода нонушта ва кечки овқат учун бир нечта верандалар мавжуд. Гаражда тўртта Tesla автомобили учун жой бор (миллиардер фақат ўз маркасидаги машиналарни ҳайдаши сир эмас).
Актёр Жин Уайлдернинг уйи
Маскнинг Бел-Эйрдаги барча мулклари бир тепаликда жойлашган, мазкур уй ҳам бундан мустасно эмас. Маск уни 1971 йилда суратга олинган “Вилли Вонка ва шоколад фабрикаси” фильмида бош ролни ўйнаган машҳур америкалик актёр Жин Уайлдердан сотиб олган.
Уайлдер-Маск уйи 1951 йилда қурилган. Бу уйни Илон 7 миллион долларга сотиб олганди. Миллиардер олди-сотди шартномасида ўзгармас шарт қўяди: уйнинг янги эгаси ҳеч нарсани ўзгартирмайди, чунки Маск бу қасрни ўзгача деб билади.
Миллиардернинг ўзи бу уйдан AdAstra (лотин тилидан таржима қилинганда “юлдузларга”) хусусий мактаби ва ходимларининг болалари учун фойдаланган. Мазкур уйни Уайлдернинг жияни сотиб олади.
Яна бир 30 миллион долларлик уй
Маск сотувга қўйган яна бир катта уй Лос Анжелеснинг ажойиб манзараси бўлган тепаликда жойлашган. У яна учта уй билан ўралган, улар ҳам Маскка тегишли бўлиб, улар ҳам кимошди савдосига қўйилган. Ушбу саройнинг майдони 2800 кв/м. Мазкур уй замовий интерери билан ажралиб туради.
Айвончали ихчам коттеж
30 миллионлик иккинчи уйнинг ёнида Маскка тегишли бўлган яна бир коттеж бор. Бу унинг энг кам бюджетли мулки: миллиардер уйни 4,443 миллион долларга сотиб олган. (Маскнинг Лос Анжелесдаги кўчмас мулкининг умумий қиймати 100 миллион долларга баҳоланган.) Анъанавий руҳдаги кичкина уй ортиқча ҳашаматсиз безатилган.
Кремний водийсидаги мулк
Ниҳоят, бу Маскнинг Кремний водийсидаги уйи бўлиб, у ерда компанияларининг бош қароргоҳи жойлашган. Бу сотувга чиқарилган мулкларнинг охиргиси. Мазкур уй аввалгиларидан каттароқ — деярли 5000 квадрат метр — ўнта ётоқхона, 10 та ҳаммом, улкан гараж бор. Бундан ташқари, уйда бал ўтказиладиган зал, банкет ўлчамидаги расмий емакхона ва бутун ошпазлар жамоаси учун мўлжалланган ошхона мавжуд.
Ҳашаматли уйда каминли заллар, катта мебеллар, биллур қандиллар ва деворларда турли хил картиналар мавжуд. Консоллар ва хитой вазалари бўлган заллар француз уйларига, ёғочдан ясалган емакхоналар эса Британия аристократик уйларига ўхшайди. Хоналарда ҳам жуда кўп антиқа буюмлар мавжуд.
Мулк 19 гектар майдонда жойлашган. Бу ерда шахсий канён, кўрфаз ва соғломлаштирувчи йўлаклар бор.
Бока Чикадаги уй, Техас
Асосий мулки сотилгандан кейин Маскнинг асосий қароргоҳи Техасдаги SpaceX заводидан ярим соатлик пиёда масофада жойлашган 50 000 долларлик йиғма уй ҳисобланади. “Бу ракета заводи ёнида жойлашган кичкина, жуда ихчам уй. Бу ердан ишга пиёда бора оламан”, дейди у интервьюларидан бирида.
Бошқа объектлари
Миллиардерга тегишли бошқа объектлар қаторида бир нечта самолёт ҳам бор. Масалан, Маск Чехияда ишлаб чиқарилган Aero L-39 Albatros жанговар ўқув самолётига эгалик қилгани маълум — бу модель Варшава шартномасига аъзо давлатлар томонидан 1970 йилларда ишлатилган ва 1999 йилгача оммавий ишлаб чиқарилган. 2005 йилда эса у Dassault Falcon 900 реактив самолётини ҳам сотиб олади.
Изоҳ (0)