Европа давлатларининг миграция сиёсатидаги мавжуд тенденциялари Европада фуқаролар урушига олиб келиши мумкин. Бу ҳақда америкалик тадбиркор, Tesla ва SpaceX асосчиси Илон Маск ўзининг Х (собиқ Twitter) ижтимоий тармоғидаги постида маълум қилди.
Маск британиялик блогер ва сиёсий шарҳловчи Константин Kиссиннинг Европа шаҳарларида ҲАМАС гуруҳи ҳаракатларини “минглаб одамлар нишонлашаётгани” ҳақидаги постига шундай жавоб берди.
Европа Иттифоқи, Буюк Британия ва бошқа мамлакатларда ҲАМАС ҳаракати террорчи сифатида тан олинган. Kissиннинг сўзларига кўра, Европада ушбу гуруҳни қўллайдиган одамлар тобора кўпайиб бормоқда, минглаб “намойишчилар” бориб-бориб ўн минглаб одамларга айланади.
“Агар ҳозирги тенденциялар давом этса, Европада фуқаролар уруши муқаррар”, — деб жавоб берди Маск.
Венгрия, Словакия, Германия, Италия ва Европа Иттифоқининг бошқа мамлакатлари ноқонуний муҳожирлар оқими муаммосига бир неча бор эътибор қаратган. Хусусан, 14-сентябр ҳолатига икки кун ичида Италиянинг Лампедуза оролига асосан Африкадан келган 7 минг муҳожир ўрнашди; маҳаллий ҳокимият оролда фавқулодда ҳолат жорий қилди. Европа Иттифоқи чегара агентлиги Frontex маълумотларига кўра, Марказий Ўрта Ер денгизи орқали Европа Иттифоқига ноқонуний кириб келганлар сони январдан апрелгача аввалги йилга нисбатан деярли 300 фоизга ошган.
Германия канцлери Олаф Шольц таъкидлаганидек, муҳожирлар мамлакатга Шарқий Европа давлатларидан, хусусан, Польшадан кўчиб ўтмоқда. Словакия ҳам муҳожирлар учун асосий транзит мамлакатлардан бири бўлиб қолмоқда.
Изоҳ (0)